Dólar neozelandés
Dólar neozelandés | |
---|---|
New Zealand Dollar Tāra o Aotearoa (maorí) | |
Código: | NZD |
Ámbito: | ![]()
![]() |
Símbolo: | $, NZ$ |
Fracción: | 100 (cents) |
Moedas: | 10, 20 e 50 cents 1 e 2 $ |
Billetes: | 5, 10, 20, 50, 100 $ |
Emisor: | Banco de Reserva de Nova Zelandia |
Taxa de troco: 15-02-2014 | 1 EUR = 1,64 NZD 1 USD = 1,20 NZD |
O dólar neozelandés (en inglés New Zealand dollar ou, simplemente, dollar) é a moeda oficial de Nova Zelandia e os seus territorios dependentes (as Illas Cook, Niue e Tokelau), así como da colonia británica das Illas Pitcairn. Decotío abreviase $, ou NZ$ para diferencialo do dólar estadounidense e doutros tipos de dólares. O código ISO 4217 é NZD. Subdivídese en 100 cents.
Informalmente, en inglés é coñecido como o kiwi (ou o kiwi dollar).
Historia[editar | editar a fonte]
O dólar neozelandés introduciuse o 10 de xullo de 1967 en substitución da libra neozelandesa, como resultado do proceso de decimalización da moeda, a razón de dous dólares por libra, ou o que é o mesmo, dous shillings por dólar.
O instituto emisor é o Banco de Reserva de Nova Zelandia (Reserve Bank of New Zealand). Hai en circulación moedas de 10, 20 e 50 cents e 1 e 2 dólares (as pezas de menos valor, as de 1 e 2 cents, foron retiradas da circulación en 1990, e a de 5 cents foi tamén retirada en 2006). Os billetes que circulan actualmente son os de 5, 10, 20, 50 e 100 dólares (os de 1 e 2 dólares retiráronse en 1991, cando se puxeron en circulación as moedas correspondentes). Se ben as primeiras emisións foron de papel, como é habitual na meirande parte dos billetes do mundo, dende 1999, a semellanza dos billetes australianos, as novas series están feitas de polímero, un plástico que dificulta a súa falsificación.
As Illas Cook tiveron as súas propias emisións de billetes entre 1987 e 1995, se ben continúan tendo as súas propias moedas (de 1, 2 e 5 dólares), de valor legal.
Taxas de cambio[editar | editar a fonte]
- 1 EUR = 1,64 NZD (15 de febreiro de 2014)
- 1 USD = 1,20 NZD (15 de febreiro de 2014)
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Banco de Reserva de Nova ZelandiaArquivado 17 de marzo de 2018 en Wayback Machine. (en inglés)
- Dólar neozelandés - Billetes de Nova Zelandia (en inglés) (en alemán) (en francés)