Antonio Garrido

Antonio Garrido

(2010)
Biografía
Nacemento	20 de agosto de 1971 (53 anos) Salteras, España
Actividade
Ocupación	actor, presentador de televisión, actor de televisión

Antonio Garrido Benito, nado en Salteras (provincia de Sevilla) o 20 de agosto de 1971, é un actor e presentador de televisión andaluz. É fillo do xornalista José Luis Garrido Bustamante.

Traxectoria profesional

Actor

Como intérprete participou episodicamente en varias series e formou parte do elenco de Al filo de la ley (2005), en TVE, Los simuladores (2006-07), en Cuatro, e La chica de ayer (2009), en Antena 3 (interpretando o papel de Joaquín Gallardo, un inspector da policía). Dende xaneiro de 2010, ata 2012, interpretou a Mario Castillo, o pai de familia da serie Los protegidos, en Antena 3. En 2013, fichou pola segunda tempada da serie Amar es para siempre, en Antena 3.

A súa traxectoria no cinema foi algo máis curta, destacando as súas intervencións en Camarón (2005), de Jaime Chávarri, Desde que amanece apetece (2005), de Antonio del Real, El camino de los ingleses (2006), de Antonio Banderas, e Diario de una ninfómana (2008). En 2011 foi incluído no elenco de actores de La chispa de la vida, un filme dirixido por Álex de la Iglesia.

Iniciouse profesionalmente como actor no teatro ó participar na obra Bajarse al moro, de José Luis Alonso de Santos. A ela seguíronlle, entre outras, Breve Brecht, Un novo mundo, El barbero de Sevilla, Réquiem de Berlín e El otro lado de la cama, que lle proporcionou, en 2005, unha candidatura aos Premios da Unión de Actores como mellor actor secundario na categoría de teatro.

Presentador

Como presentador debutou na cadea local Onda Giralda (agora Giralda TV) co programa de cultura cofradiera Añoranza no 1998. Un ano máis tarde pasou a Canal Sur cos programa El día E, Vamos de fiesta e Andalucía directo dende 1999. En 2007 pasou a Cuatro para presentar o concurso Gente de mente (2007) e posteriormente a TVE poñéndose á fronte do concurso Identity (2007-08) e o espazo divulgativo Hijos de Babel (2008). Dende o 18 de maio de 2009 e durante uns meses presentou unha nova edición do concurso ¿Quién quiere ser millonario? en Antena 3. Foi un dos catro presentadores do programa especial de Noitevella da TVE no ano 2007. En 2012, conduciu para as cadeas integradas na FORTA o concurso El duelo.

Vida persoal

Mantivo unha relación sentimental con Araceli Álvarez de Sotomayor durante moitos anos, coa que casou o 12 de xullo de 2008 na igrexa de Santa Mariña de Córdoba, cidade natal da moza. En febreiro de 2010 divorciáronse, e en abril comezou a saír coa compostelá Lucía Díaz. O 19 de setembro de 2012 tiveron un fillo chamado Antonio José. En 2019 naceu o seu segundo fillo.

Filmografía

Televisión

Actor

• Teatro de la comedia, personaxe episódico (1994)
• El Séneca, personaxe episódico (1996)
• Plaza alta, personaxe episódico (1999-2000)
• 20 tantos, personaxe episódico (2002)
• Ágora, como Teodoro (2002)
• Los Serrano, un episodio: "Santiago vuelve a la escuela" (2003)
• Hospital Central, como Capellán Sancho (2003)
• La Mari, como Pedro. Miniserie (2003)
• Cuéntame, como Profesor Barrantes (2003)
• El Comisario, como Cisneros (2003-2004)
• Arrayán, como Víctor Fortuny (2004)
• Mis adorables vecinos, no episodio "Yo vivía en una urba de lujo y mañana me mudaré" (2004)
• La sopa boba, como un policía (2004)
• Un paso adelante, como Andrés (2005)
• Aquí no hay quien viva, como Raúl (2005)
• Al filo de la ley, como Alfredo Molina (2005)
• Teletipos, varios personaxes (2005)
• Los simuladores, como Jota (2006-2007)
• Buscando al hombre perfecto, como Miguel. TV movie (2008)
• La chica de ayer, como Joaquín Gallardo (2008-2009)
• La hora de José Mota, no programa: "Verdades y mentiras" (2009)
• Desátate, como Antonio. TV movie (2009)
• Los protegidos, como Mario Montero (2010-2012)
• Con el culo al aire, como el mesmo (2012)
• Isabel, como Duque de Medina Sidonia (2013)
• Amar es para siempre, como Augusto Lloveras (2013-2014)

Como presentador

• Programas para a cadea local Onda Giralda (1998)
• Presentador de diferentes galas (Fin de año, Gala de Andalucía) para Canal Sur (1999)
• Andalucía directo, colaborador para Canal Sur (1999)
• Hablemos claro, copresentador xunto con Isabel Gemio e Cristina Tárrega para Canal Sur (2000)
• Vamos de fiesta, galas para Canal Sur (2000)
• El día E, concurso para Canal Sur (2001)
• Gente de mente, concurso para Cuatro (2007)
• Hijos de Babel, concurso para TVE (2008)
• Identity, concurso para TVE(2007-2008)
• ¿Quién quiere ser millonario?, concurso para Antena 3 (2009)
• El duelo, concurso para a FORTA(2012)

Filmes

Longametraxes

• Yerma, intervención especial. Dir. Pilar Távora (1998)
• Desde que amanece apetece, como nenaza. Dir. Antonio del Real (2005)
• Camarón, actor secundario. Dir. Jaime Chavarri (2005)
• 15 días contigo, como un cliente facha. Dir. Jesús Ponce (2005)
• El camino de los ingleses, como Cardona (2006)
• Trío de ases: el secreto de la Atlántida, como Pit. Dir. Joseba Vázquez (2008)
• Diario de una ninfómana, como Giovanni. Dir. Cristian Molina (2007)
• 7 minutos, como Luismi. Dir. Daniela Fejerman (2008)
• La chispa de la vida, como Dr. Velasco. Dir. Álex de la Iglesia (2011)
• Fin, como Rafa. Dir. Jorge Torregrosa (2011)
• Sólo para dos, como Jairo. Dir. Roberto Santiago (2012)
• Love Unlimited, como o pai de Paul. Dir. Alejandro Ochoa (2013)
• La playa de los ahogados, como Rafael Estévez. Dir. Gerardo Herrero (2015)

Curtametraxes

• Ludoterapia. Dir. León Siminiani (2006)

Teatro

• Bajarse al moro, pola Fundación El Monte (1995)
• Breve brecht. Dir. Bertlod Brecht/Daniel Suárez (1995)
• Héctor, iniciativa dos alumnos di Instituto do Teatro (1996)
• Un nuevo mundo. Dir. Juan Dolores Caballero (1996)
• El barbero de Sevilla. Dir. José Luis Castro (1997)
• Extraño. Dir. Pedro Álvarez Osorio (1997)
• Cambalache. Dir. Daniel Suárez (1997)
• Fe. Dir. Julio Fraga (1998)
• Réquiem de Berlín. Dir. Bertold Brecht (1998)
• Otelo el moro, como Yago (2000-2001)
• El otro lado de la cama, como Rafa (2004-2005)
• El burlador de Sevilla, como o Burlador (2007)