Bisonte das estepas
| Bisonte das estepas Rango fósil: Irvingtoniano - Holoceno | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 "Blue Babe", un exemplar momificado de Alasca
| |||||||||||||||||
| Estado de conservación | |||||||||||||||||
 Extinto | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| †Bison priscus' Bojanus, 1827 | |||||||||||||||||
O bisonte das estepas (Bison priscus),[1] foi unha especie de bisonte, hoxe extinta, que habitou en gran parte de Europa,[2] Asia Central,[3] Rusia, Manchuria e Norteamérica [4] durante o Plistoceno. É probábel que evolucionara orixinalmente en Asia, ao igual que moitos bóvidos actuais e outros elementos da fauna da última glaciación cos que compartiu hábitat.
Os bisontes das estepas eran animais similares aos actuais bisontes europeos, pero moito máis grandes e robustos, de cornos moito máis longos, e adaptados á vida en espazos abertos como as estepas e os límites da tundra.
As súas relacions coas especies de bisontes actuais non están totalmente claras, aínda que tende a asumirse que a especie deu orixe ao actual bisonte europeo a comezos do Holoceno a partir de formas menores como Bison priscus mediator, que se adaptaron ao novo medio máis cálido e boscoso que empezaba a substituír a tundra-estepa glacial en Europa. As subespecies xigantes de Asia e Norteamérica, como Bison priscus gigas, desapareceron sen descendencia ou deron lugar ao actual bisonte americano (Bison bison).[5]
En 1979 desenterrouse en Alasca o corpo conxelado dun macho de bisonte das estepas ao que se alcumou Blue Babe debido á cor azulada que tomara a súa carne durante o proceso (e porque, no folclore estadounidense, Blue Babe é un xigantesco touro azul, mascota do leñador Paul Bunyan). O animal presentaba evidencias de que fora cazado por un pequeno grupo de leóns americanios (Panthera leo atrox) [6] que o deberon abandonar poucas horas despois debido a que o cadáver comezara a conxelarse rapidamente (probabelmente, debido á caída da noite). Posteriormente chegou outro león que rompeu un dente ao intentar morder o corpo conxelado. Os científicos da Universidade de Alasca que encontraron a Blue Babe tiveron a ocasión de probar a súa carne e acharon que se preservara de forma aceptábel, con só un lixeiro sabor a terra.[7]
Existen evidencias de que, ademais do león, o home primitivo era un cazador habitual desta especie.
Os bisontes das estepas aparecen frecuentemente representados en pinturas rupestres de Francia e España, como nas das covas de Lascaux, Villairs, Font de Gaume e, especialmente, na de Altamira.[8]
Notas
[editar | editar a fonte]- ↑ "Steppe Bison - Yukon Beringia Interpretive Centre". Arquivado dende o orixinal o 12 de decembro de 2010. Consultado o 11 de maio de 2012.
- ↑ Вестник Кирилло-Белозерского музея 9 (Май 2006) О. Яшина, Т.В. Цветкова - Кирилловский бизон
- ↑ Vasiliev, S.K. (2008-06). "LATE PLEISTOCENE BISON (Bison p. priscus Bojanis, 1827) FROM THE SOUTHEASTERN PART OF WESTERN SIBERIA". Archaeology, Ethnology and Anthropology of Eurasia (en inglés) 34 (2): 34–56. doi:10.1016/j.aeae.2008.07.004.
- ↑ Zazula, Grant D.; MacKay, Glen; Andrews, Thomas D.; Shapiro, Beth; Letts, Brandon; Brock, Fiona (2009-12). "A late Pleistocene steppe bison (Bison priscus) partial carcass from Tsiigehtchic, Northwest Territories, Canada". Quaternary Science Reviews (en inglés) 28 (25-26): 2734–2742. doi:10.1016/j.quascirev.2009.06.012.
- ↑ Edward L. C. Verkaar, Isaäc J. Nijman, Maurice Beeke, Eline Hanekamp and Johannes A. Lenstra. Maternal and Paternal Lineages in Cross-Breeding Bovine Species. Has Wisent a Hybrid Origin?
- ↑ Subespecie extinta do verdadeiro león, Panthera leo, non confundir co chamado ás veces león americano, o puma (Puma concolor).
- ↑ Guthrie, R. Dale (1990). Frozen Fauna of the Mammoth Steppe: The Story of Blue Babe (en inglés). University of Chicago Press. ISBN 978-0-226-31123-4.
- ↑ Verkaar, Edward L. C.; Nijman, Isaäc J.; Beeke, Maurice; Hanekamp, Eline; Lenstra, Johannes A. (2004-07-01). "Maternal and Paternal Lineages in Cross-Breeding Bovine Species. Has Wisent a Hybrid Origin?". Molecular Biology and Evolution (en inglés) 21 (7): 1165–1170. ISSN 0737-4038. doi:10.1093/molbev/msh064.
