Club Deportivo Condal
- Non debe confundirse co Condal Club de Fútbol.
| Nome | Club Deportivo Condal | |
|---|---|---|
| Fundación | 1 de agosto de 1934 | |
| Desaparición | 1970 | |
| Estadio | Camp de Les Corts, Barcelona,  Cataluña | |
| Inauguración | 20 de maio de 1922 | |
| Capacidade | 60.000 | |
| ||
O Club Deportivo Condal foi un club de fútbol da cidade de Barcelona, en Cataluña, España. Foi fundado en 1934 e en 1970 fusionouse co Atlético Cataluña para formar o Barcelona Atlètic, actual filial do FC Barcelona.
Historia
[editar | editar a fonte]O CD Condal foi fundado o 1 de agosto de 1934 como Sección de Deportes de la España Industrial e foi orixinalmente o equipo da fábrica que levaba o seu nome.
O equipamento era a raias verticais branquiazuis. A Compañía era propiedade da familia de Josep Antoni de Albert, quen foi brevemente presidente do FC Barcelona en 1943. En 1951, durante a súa presidencia, o club converteuse nun equipo filial do FC Barcelona e empezou a utilizar o estadio de Les Corts como local.
Ao principio militou nas ligas rexionais locais, pero en 1950 ascenderon a Terceira División e polo ano 1952 ascenderon a Segunda División. En 1953 finalizaron segundos no seu Grupo I, clasificados para disputar o play-off de ascenso, pero ao ser un filial do FC Barcelona non puideron ascender.
Logo de conseguir disputar o seu segundo play-off de ascenso en 1956, o CD Espanya Industrial independizouse do FC Barcelona e cambiou o seu nome polo de Club Deportivo Condal para poder xogar en Primeira División. O equipamento cambiouse por unha camisa azul con dúas franxas brancas en diagonal. Así o club podía disputar ese play-off e ascender a Primeira, o cal conseguiron. Só puideron estar unha campaña en Primeira e descenderon en 1957.
Tras o descenso, o Condal estivo 4 tempadas máis en Segunda División, ata que en 1961 renunciaron a seguir en Segunda e pasaron a xogar en Terceira. En 1965 regresan a Segunda, onde pasan dúas campañas ata descender en 1967.
En 1968 chega a un acordo co FC Barcelona para ser novamente o seu filial. Cambiou o seu uniforme por un azulgrana e con pantalón branco. En 1970 acórdase fusionarse co Atlético Cataluña para formar o Barcelona Atlètic.
Uniforme
[editar | editar a fonte]- Uniforme titular: Camiseta azul con dúas franxas brancas en diagonal, pantalón branco e medias azuis.
Estadio
[editar | editar a fonte]- Artigo principal: Camp de Les Corts.
O Camp de Les Corts foi o segundo estadio da historia do FC Barcelona. En 1951, tras facerse o España Industrial filial do Barcelona, pasou a xogar en Les Corts ata 1970.
Datos do club
[editar | editar a fonte]Historial na liga
[editar | editar a fonte]| Tempada | Categoría | Posición |
|---|---|---|
| 1947/48 | 3ª | 4º |
| 1948/49 | Territorial A | — |
| 1949/50 | Territorial A | — |
| 1950/51 | 3ª | 4º |
| 1951/52 | 3ª | 1º |
| 1952/53 | 2ª | 2º |
| 1953/54 | 2ª | 5º |
| 1954/55 | 2ª | 11º |
| 1955/56 | 2ª | 3º |
| 1956/57 | 1ª | 16º |
| 1957/58 | 2ª | 5º |
| 1958/59 | 2ª | 4º |
| Tempada | Categoría | Posición |
|---|---|---|
| 1959/60 | 2ª | 10º |
| 1960/61 | 2ª | 12º |
| 1961/62 | 3ª | 2º |
| 1962/63 | 3ª | 3º |
| 1963/64 | 3ª | 8º |
| 1964/65 | 3ª | 1º |
| 1965/66 | 2ª | 7º |
| 1966/67 | 2ª | 16º |
| 1967/68 | 3ª | 1º |
| 1968/69 | 3ª | 7º |
| 1969/70 | 3ª | 5º |
