Antonio Carreró Vergés
  | |
| Biografía | |
|---|---|
| Nacemento | 19 de setembro de 1899 Vigo, España |
| Morte | 27 de setembro de 1936 (37 anos) Asturias, España |
| Actividade | |
| Ocupación | militar |
Antonio Carreró Vergés, nado en Vigo o 19 de setembro de 1899 e finado en Asturias o 27 de setembro de 1936, foi un militar galego.
Traxectoria
[editar | editar a fonte]Fillo do tenente de navío Antonio Carreró Mestre. En 1915 entrou na Academia de Infantaría. Como oficial de Infantaría prestou servizos en África e tamén estivo destinado en Vigo. Cara a 1925 era primeiro tenente no Goberno Militar. Despois foi capitán no Rexemento de Murcia. Tras o golpe de Estado do 18 de xullo de 1936, por orde de Felipe Sánchez Rodríguez, comandante militar da praza, declarou o estado de guerra en Vigo o 20 de xullo de 1936, leu o bando na Porta do Sol e ordenou disparar contra os que estaban presentes. Despois estivo á fronte do pelotón que fusilou a Emilio Martínez Garrido e outros republicanos vigueses. Marchou á fronte e morreu en Asturias a finais de setembro de 1936. Foi soterrado no cemiterio de Pereiró o 29 de setembro, cos soldados Eduardo Núñez Saavedra e Eugenio Rodríguez Cantero.
Polo seu acto do 20 de xullo, a Porta do Sol de Vigo foi rebautizado co seu nome, inutilmente porque a maioría da poboación local seguiu utilizando o nome orixinal.
Véxase tamén
[editar | editar a fonte]Bibliografía
[editar | editar a fonte]- Martín, Gerardo (2017). Diccionario de vigueses (1875-1945). Retazos de historia local a través de la vida de más de 1700 personajes. Pontevedra: Deputación Provincial. p. 172. ISBN 978-84-8457-448-4.
Ligazóns externas
[editar | editar a fonte]- "Carreró dio nombre a Porta do Sol durante más de 40 años", artigo en La Voz de Galicia, 31 de marzo de 2007 (en castelán).