Cygnus (nave espacial)

Cygnus é o nome dun cargueiro espacial non tripulado desenvolvido por Orbital Sciences Corporation e posteriormente fabricado por Northrop Grumman.^[1]^[2]^[3]

Características

As naves Cygnus foron desenvolvidas orixinalmente por Orbital Sciences Corporation para levar carga á Estación Espacial Internacional baixo o programa COTS da NASA para promover a comercialización do transporte espacial. As naves Cygnus están formadas por dúas seccións: un módulo de servizo e un módulo presurizado. O módulo de servizo contén o sistema de propulsión e enerxía e usa un par de paneis solares. O módulo presurizado está baseado no módulo multipropósito italiano MPLM usado nalgunhas misións dos transbordadores espaciais.^[1]^[2]^[3]

Hai dúas versións da nave Cygnus: a orixinal, máis curta, era capaz de levar ata 2000 kg de carga á ISS e usaba paneis solares rectangulares; e a mellorada, máis longa e con maior capacidade de carga, ata 2700 kg, con paneis solares circulares e introducida a partir da quinta misión. As naves Cygnus foron deseñadas para ser lanzadas mediante foguetes Antares, pero despois da explosión dun dos foguetes, algunha das Cygnus foi lanzada mediante Atlas V ata que se solucionaron os problemas cos foguetes Antares.^[1]^[2]^[3]

Historial de lanzamentos

Misión^[1]^[2]^[3]	Data de lanzamento^[1]^[2]^[3]	Foguete lanzador^[1]^[2]^[3]	Notas^[1]^[2]^[3]
Cygnus D1	18 de setembro de 2013	Antares 110	Éxito
Cygnus CRS-1	9 de xaneiro de 2014	Antares 120	Éxito
Cygnus CRS-2	13 de xullo de 2014	Antares 120	Éxito
Cygnus CRS-3	28 de outubro de 2014	Antares 130	Fallo. Explosión do foguete aos poucos segundos do lanzamento por fallo dos motores.
Cygnus CRS-4	6 de decembro de 2015	Atlas 5	Éxito
Cygnus CRS-5	18 de outubro de 2016	Antares 230	Éxito
Cygnus CRS-6	23 de marzo de 2016	Atlas 5	Éxito
Cygnus CRS-7	18 de abril de 2017	Atlas 5	Éxito
Cygnus CRS-8	12 de novembro de 2017	Antares 230	Éxito
Cygnus CRS-9	21 de maio de 2018	Antares 230	Éxito
Cygnus CRS-10	17 de novembro de 2018	Antares 230	Éxito
Cygnus CRS-11	17 de abril de 2019	Antares 230	Éxito
Cygnus CRS-12	2 de novembro de 2019	Antares 230+	Éxito
Cygnus CRS-13	15 de febreiro de 2020	Antares 230+	Éxito
Cygnus CRS-14	3 de outubro de 2020	Antares 230+	Éxito
Cygnus CRS-15	20 de febreiro de 2021	Antares 230+	Éxito
Cygnus CRS-16	10 de agosto de 2021	Antares 230+	Éxito
Cygnus CRS-17	19 de febreiro de 2022	Antares 230+	Éxito
Cygnus CRS-18	7 de novembro de 2022	Antares 230+	Éxito

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 Mark Wade (2023). "Cygnus" (en inglés). Consultado o 9 de xaneiro de 2023.
↑ ^2,0 ^2,1 ^2,2 ^2,3 ^2,4 ^2,5 ^2,6 Gunter Dirk Krebs (2023). Gunter's Space Page, ed. "Cygnus-PCM" (en inglés). Consultado o 9 de xaneiro de 2023.
↑ ^3,0 ^3,1 ^3,2 ^3,3 ^3,4 ^3,5 ^3,6 Gunter Dirk Krebs (2023). Gunter's Space Page, ed. "Cygnus-PCM (enhanced)" (en inglés). Consultado o 9 de xaneiro de 2023.

Véxase tamén

Outros artigos

[astronautix-1] 1,0 ^1,1 ^1,2 ^1,3 ^1,4 ^1,5 ^1,6 Mark Wade (2023). "Cygnus" (en inglés). Consultado o 9 de xaneiro de 2023.

[gunter1-2] 2,0 ^2,1 ^2,2 ^2,3 ^2,4 ^2,5 ^2,6 Gunter Dirk Krebs (2023). Gunter's Space Page, ed. "Cygnus-PCM" (en inglés). Consultado o 9 de xaneiro de 2023.

[gunter2-3] 3,0 ^3,1 ^3,2 ^3,3 ^3,4 ^3,5 ^3,6 Gunter Dirk Krebs (2023). Gunter's Space Page, ed. "Cygnus-PCM (enhanced)" (en inglés). Consultado o 9 de xaneiro de 2023.

[1]

[2]

[3]