Día da Ciencia en Galicia
A instauración do Día do Científico Galego foi unha iniciativa do presidente da Real Academia Galega de Ciencias (RAGC), a través do profesor Ernesto Viéitez, para que servira de homenaxe de recoñecemento a aqueles científicos que, ben nacidos en Galicia, ben nacidos en calquera outra parte, pero realizaran a súa carreira científica en Galicia, contribuísen ao desenvolvemento do coñecemento e da innovación de maneira notábel e significativa.
Descrición
[editar | editar a fonte]O día 6 de xullo de 2006 reuniuse o Pleno da Academia nas instalacións do Real Club de Mar de Aguete, Marín, e, no punto cuarto da orde do día, o presidente propuxo ao Pleno "a posibilidade de instaurar, con carácter anual, o Día do Científico Galego, como recoñecemento e homenaxe a todas as personalidades relevantes que traballaran no campo da investigación científica". A iniciativa foi acollida con satisfacción por todos os académicos.
Tívose claro que a data idónea era a do 23 de abril, porque a constitución oficial da RAGC publicouse no Boletín Oficial del Estado (BOE) o 23 de abril de 1977.[1] O primeiro día celebrouse o 23 de abril de 2008. Na conmemoración desta data en 2014 a Unidade de Igualdade da Universidade da Coruña lanzou a campaña Día d@ Científic@ Galeg@, para reivindicar a inclusión das mulleres ao falar de ciencia e tecnoloxía.[2][3]
O 18 de decembro de 2014 a denominación pasa a ser Día da Ciencia en Galicia, aprobado o troco polo pleno da RAGC. Este troco faise porque, segundo o seu propio comunicado, "reflexa dun modo máis directo o obxectivo da celebración, que non e outro que a promoción social da Ciencia en Galicia"[4].
Personalidades homenaxeadas
[editar | editar a fonte]
- 2008. Enrique Vidal Abascal, primeiro presidente da RAGC[5][6]
- 2009. Isidro Parga Pondal[6][7]
- 2010. Cruz Gallástegui[6][8]
- 2011. Ramón María Aller[6]
- 2012. Antonio Casares Rodríguez[9]
- 2013. Benito Xerónimo Feijoo[10]
- 2014. Luís Iglesias Iglesias[11]
- 2015. Ángeles Alvariño[12]
- 2016. Ignacio Ribas Marqués[13]
- 2017. Baltasar Merino[14]
- 2018. Domingo Fontán[15]
- 2019. Tomás Batuecas Marugán.[16]
- 2020. Andrés Comerma[17]
- 2021. Jimena Fernández de la Vega[18]
Notas
[editar | editar a fonte]- ↑ "RAGC. Día do Científico Galego". Arquivado dende o orixinal o 23 de xullo de 2011. Consultado o 28 de abril de 2011.
- ↑ Pérez Pena, Marcos (2014-04-23). "A UDC critícalle á Academia Galega de Ciencia a "invisibilización" das mulleres científicas". Praza Pública. Consultado o 2021-04-20.
- ↑ "Boletín actividades Unidade de Igualdade da Coruña" (PDF). Universidade da Coruña. xuño de 2014. pp. 9–10.
- ↑ "Día da Ciencia en Galicia". Arquivado dende o orixinal o 05 de agosto de 2018. Consultado o 05 de agosto de 2018.
- ↑ Temperán Becerra, Gonzalo. "Enrique Vidal Abascal: Matemático, Humanista e Pintor( Unidade Didáctica)" (PDF). Fundación Barrié. Arquivado dende o orixinal (PDF) o 19 de decembro de 2016. Consultado o 03 de novembro de 2018.
- ↑ 6,0 6,1 6,2 6,3 Arneiros Torcela, J. (15 de outubro de 2018). "Ramón Mª Aller Ulloa, astrónomo". Faro de Vigo (en castelán). Consultado o 3 de novembro de 2018.
- ↑ "RAGC. Isidro Parga Pondal". Arquivado dende o orixinal o 21 de xullo de 2007. Consultado o 28 de abril de 2011.
- ↑ "Álbum da ciencia". consellodacultura.org. Consultado o 2024-03-18.
- ↑ "Dr. Antonio Casares Rodríguez". ragc.gal. 2012. Consultado o 18 de marzo de 2024.
- ↑ "Padre Feijoo". ragc.gal (en castelán). Arquivado dende o orixinal o 18 de marzo de 2024. Consultado o 18 de marzo de 2024.
- ↑ "Luis Iglesias Iglesias". ragc.gal. 2015. Consultado o 18 de marzo de 2024.
- ↑ "Día da Ciencia en Galicia 2015. Ángeles Alvariño". Consultado o 2021-04-20.
- ↑ "O Día da Ciencia en Galicia homenaxeará a Ignacio Ribas, o gran valedor dos produtos naturais galegos". Galicia Confidencial. Consultado o 2020-04-24.
- ↑ "Baltasar Merino Román". ragc.gal. Consultado o 18 de marzo de 2024.
- ↑ "Domingo Fontán, matemático e xeógrafo, designado pola RAGC Científico Galego 2018". Arquivado dende o orixinal o 05 de agosto de 2018. Consultado o 05 de agosto de 2018.
- ↑ "O catedrático que botou a Parga Pondal da universidade, elixido como protagonista do Día da Ciencia en Galicia". La Opinión de A Coruña (en castelán). 2019-02-27. Consultado o 2021-04-20.
- ↑ Redacción (13 de febreiro de 2020). "El ingeniero Comerma, artífice del dique de la Campana, será homenajeado en el Día da Ciencia". ferrol360.es (en castelán). Consultado o 6 de novembro de 2023.
- ↑ Redacción (2021-02-10). "A xenetista Jimena Fernández de la Vega, Científica Galega do ano 2021". GCiencia. Consultado o 2021-04-20.
- ↑ Redacción (9 de outubro de 2022). "Día da ciencia con homenaje a Rof Codina". elcorreogallego.es (en castelán). Consultado o 6 de novembro de 2023.
- ↑ Redacción (6 de outubro de 2022). "“Un científico excepcional”: así foi o tributo a Juan Rof Codina". gciencia.com. Consultado o 6 de novembro de 2023.
- ↑ Eva Fernández (10 de marzo de 2022). "Juan Rof Codina, impulsor da veterinaria en España e modernizador do sector agropecuario galego, nomeado “Científico Galego do Ano” pola RAGC". Real Academia Galega de Ciencias.
- ↑ "Manuel Colmeiro y Penido". ragc.gal. Consultado o 18 de marzo de 2024.