Estación de Haro

Haro
	A estación en 2007.
Situación	Haro (A Rioxa)
Coordenadas	42°35′01″N 2°50′57″O / 42.583638888889, -2.8492777777778
Liñas
Longa Distancia	Alvia
Media distancia	MD, Rexional Exprés

A estación de Haro é unha estación de tren de Adif situada na localidade de Haro, na Rioxa. Ten servizos de longa e media Distancia operados por Renfe. Dispón tamén de instalacións loxísticas usadas polos trens de mercadorías.

Situación ferroviaria

A estación atópase no punto quilométrico 127,8 da liña férrea de ancho ibérico que une Castejón con Bilbao por Logroño e Miranda de Ebro a 452 metros de altitude.^[1]

Historia

A estación foi inaugurada o 30 de agosto de 1863 coa apertura do tramo Castejón-Orduña da liña férrea que pretendía unir Castejón con Bilbao. As obras correron a cargo da Compañía do Ferrocarril de Tudela a Bilbao creada en 1857.^[2] En 1865 a compañía declarouse en suspensión de pagos por non poder superar as dificultades económicas derivadas do investimento realizado na construción da liña e foi intervida polo Banco de Bilbao.^[3] En 1878, foi absorbida por Norte que mantivo a titularidade da estación ata a nacionalización do ferrocarril en España en 1941 e a creación de Renfe.

Dende o 31 de decembro de 2004 Renfe explota a liña mentres que Adif é a titular das instalacións ferroviarias.

A estación

Sitúase no barrio das Bodegas. O edificio para viaxeiros é unha ampla estrutura de base rectangular e dúas alturas con disposición lateral ás vías. Dispón dunha vía principal e de catro derivadas aínda que só dous acceden a unha plataforma lateral e a outra central. Ambas están protexidos parcialmente cunhas marquesiñas metálicas. Posúe outras catro vías máis todas elas mortas, que derivan a unha zona de carga que dispón dun peirao cuberto.

Servizos ferroviarios

Longa distancia

Actualizado a 6 de xullo de 2016.

Tren	Orixe	Paradas intermedias	Destino	Observacións
Alvia	Barcelona-Sants	Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Alfaro · Calahorra · Logroño · Haro · Miranda de Ebro	Bilbao-Abando	2 trens diarios por sentido

Media distancia

Actualizados a 6 de xullo de 2016.


Liña	Trens	Orixe/Destino	<>	Destino/Orixe
22	MD Rexional Exprés	Zaragoza-Delicias		Logroño Salamanca

Notas

↑ Haro (Apt.) Euroferroviarios
↑ "Castejón de Ebro á Bilbao (vía Logroño y Miranda de Ebro)". Spanish Railway (en castelán). Consultado o 2022-04-09.
↑ Historia do Tudela-Bilbao Arquivado 23 de xuño de 2010 en Wayback Machine. AFERioja

Véxase tamén

Ligazóns externas

Información na web de Adif Arquivado 09 de agosto de 2016 en Wayback Machine.

[1] Haro (Apt.) Euroferroviarios

[2] "Castejón de Ebro á Bilbao (vía Logroño y Miranda de Ebro)". Spanish Railway (en castelán). Consultado o 2022-04-09.

[3] Historia do Tudela-Bilbao Arquivado 23 de xuño de 2010 en Wayback Machine. AFERioja

[1]

[2]

[3]