Fernando Clavijo Batlle
.jpg) (2023)  | |
| Biografía | |
|---|---|
| Nacemento | 10 de agosto de 1971 (53 anos) San Cristóbal de La Laguna, España |
 Presidente das Canarias | |
| 14 de xullo de 2023 – ← Angel Victor Torres Perez | |
| Presidente das Canarias | |
| 2015 – 2019 ← Paulino Rivero – Angel Victor Torres Perez → | |
 Deputado no Parlamento das Canarias | |
| | |
| Datos persoais | |
| Educación | Universidade de La Laguna |
| Actividade | |
| Lugar de traballo | San Cristóbal de La Laguna |
| Ocupación | político, empresario |
| Partido político | Coalición Canaria |
 | |
Fernando Clavijo Batlle, nado en San Cristóbal de la Laguna, Tenerife, o 10 de agosto de 1971, é un político español, membro de Coalición Canaria, presidente do Goberno das Illas Canarias dende 2015.
Traxectoria
[editar | editar a fonte]Naceu en San Cristóbal de la Laguna, concello no que segue residindo desde entón e no que viviu en diversos barrios e vilas como San Roque, Los Baldíos, Bajamar ou o Barrio del Timple. Cursou o Bacharelato no Instituto Vise y Clavijo, e máis tarde licenciouse en Ciencias Económicas e Empresariais na Universidade de La Laguna. Traballou na empresa privada, tamén mentres estudaba, e foi asesor do Organismo de Actividades Musicais do Concello de San Cristóbal de la Laguna, así como concelleiro de Seguridade Cidadá dende 2003 até 2007 e alcalde entre 2008 e 2014.[1]
No eido político, Fernando Clavijo afiliouse a ATI (hoxe Coalición Canaria) en 1992, e dende entón ocupou diferentes cargos de responsabilidade interna no partido, entre os que salientan o de Secretario Xeral dos mozos de ATI na Laguna dende 1997 a 2003, e o mesmo cargo a nivel insular dende 2001. Dende ese ano até o seu nomeamento como alcalde (o máis novo da historia do concello) foi primeiro tenente de alcalde e concelleiro de Urbanismo. Está en política dende 1992, sendo secretario xeral das mocidades ATI-CC e, posteriormente, presidente da Agrupación Local de Coalición Canaria na Laguna, ademais de pertencer á Executiva Nacional do partido. Dende 2012 é Secretario Xeral de Coalición Canaria en Tenerife.
Durante a súa alcaldía, a cidade cultivou varios premios internacionais, entre eles, os entregados polo Ministerio de Cultura, á xestión do Plan Especial de Protección do Centro Histórico, e o Ministerio de Industria, Turismo e Comercio ao modelo de Zona Comercial Aberta. Asemade, La Laguna obtivo o Premio Reina Sofía contra as Drogas.[2]
Foi o candidato de Coalición Canaria para a Presidencia do Goberno das Canarias nas eleccións autonómicas de 2015, tras derrotar a Paulino Rivero no Consello Político do seu partido celebrado o 12 de setembro de 2014. Tras esas eleccións, nas que a súa coalición obtivo 18 deputados, e, tras unha coalición co PSOE (15 deputados), accedeu á presidencia do Goberno da comunidade autónoma o 9 de xullo de 2015.
Notas
[editar | editar a fonte]- ↑ "'Nuevo alcalde, nueva generación'". Arquivado dende o orixinal o 05 de novembro de 2011. Consultado o 09 de outubro de 2018.
- ↑ "BREVE HISTORIA DE LOS PREMIOS REINA SOFÍA CONTRA LAS DROGAS".
