Ciencia ficción dura
A ciencia ficción dura (tradución literal do inglés «hard science fiction ou hard SF») é un subxénero da ciencia ficción baixo cuxa epígrafe se inclúen aquelas novelas e relatos nas que o compoñente científico xoga un papel fundamental na trama da historia.
Características
[editar | editar a fonte]A característica fundamental que distingue a ciencia ficción dura é a énfase que existe nas descricións dunha tecnoloxía ou ciencia avanzada, e na verosimilitude das descricións científicas (xeralmente das ciencias "duras", como a física, a química o a bioloxía, en contraposición das ciencias sociais). Outra característica que ten é que os feitos cóntanse en orde cronolóxica.
Autores
[editar | editar a fonte]Algúns autores considerados como tipicamente de ciencia ficción dura son Hal Clement, Arthur C. Clarke, Larry Niven, Stanisław Lem e máis recentemente John Varley, Gregory Benford, Greg Bear, Charles Sheffield, Robert L. Forward, Greg Egan, Vernor Vinge ou Stephen Baxter. Outros autores varían os seus rexistros, cultivando tanto este subxénero como outros. Tal é o caso de Isaac Asimov, Poul Anderson ou Robert A. Heinlein.
