Francisco de la Torre

Francisco de la Torre
	; (2010)
Nome orixinal	(es) Francisco de la Torre Prados
Biografía
Nacemento	21 de decembro de 1942 (82 anos); Málaga, España
Senador de España
	13 de decembro de 2011 – 20 de xuño de 2014
Alcalde de Málaga
	2000 – ; ← Celia Villalobos
Deputado no Congreso dos Deputados
	13 de marzo de 1979 – 31 de agosto de 1982 ; Lexislatura: I lexislatura de España ; Circunscrición electoral: Málaga ; Electo en: Eleccións Xerais 1979 en España
Deputado no Congreso dos Deputados
	1 de xullo de 1977 – 2 de xaneiro de 1979 ; Lexislatura: Lexislatura Constituínte de España ; Circunscrición electoral: Málaga ; Electo en: Eleccións Xerais 1977 en España
Procurador en Cortes
	11 de novembro de 1971 – 4 de marzo de 1976 – Francisco Cabeza López (en) → ; Lexislatura: X lexislatura das Cortes franquistas
Procurador en Cortes
	16 de xuño de 1971 – 12 de novembro de 1971 ; ← José Marqués Íñiguez (en) ; Lexislatura: IX lexislatura das Cortes franquistas
Q42409076
	1971 – 1975
Datos persoais
Relixión	Catolicismo
Educación	Universidade de Rennes (1965–1967); Universidade de Salamanca (1961–1965)
Actividade
Lugar de traballo	Madrid
Ocupación	político, enxeñeiro agrónomo
Partido político	Partido Popular (1995–); Unión de Centro Democrático
Membro de	Cuerpo de Ingenieros Agrónomos del Estado (en) (1976–)
Premios
	(2018) Medalla Pushkin; (2017) Oficial da Lexión de Honra; Oficial da Orde do Imperio Británico ;

Francisco de la Torre Prados, coñecido popularmente como Paco de la Torre, nado na cidade de Málaga o 21 de decembro de 1942, é un político andaluz que leva desempeñando cargos públicos durante máis de cinco décadas en Málaga e na súa provincia. Na actualidade é o alcalde de Málaga.

Inicios políticos

É licenciado en Socioloxía e doutor Enxeñeiro Agrónomo. Especialista en Desenvolvemento Rexional pola Universidade de Rennes (Francia).

Traballou no Instituto Nacional de Investigacións Agronómicas (1967). Asesor enviado polo goberno español a gobernos latinoamericanos en temas de reforma e desenvolvemento agrario (1968-1969).Os seus inicios na vida pública local malagueña remóntanse ao seu labor na Asociación de Amigos da Universidade de Málaga, entidade que xogou un destacado papel na consecución da creación desa universidade.^[1] Con 28 anos, en 1971, é designado polo franquismo presidente da Deputación de Málaga, feito que foi interpretado pola sociedade malagueña como un signo de apertura cara a unha etapa reformista no marco da cerrada política española da época.^[2] As súas posicións de claro compromiso liberal, e dunha España para todos, deron como resultado que cesara no cargo en 1975.^[3]

Nos momentos da transición cara á democracia, fundou e presidiu o Partido Andaluz Socialdemócrata, formación que posteriormente se integrou na Unión de Centro Democrático xunto coa Federación Socialdemócrata de Francisco Fernández Ordóñez.

Etapa en UCD

Como militante de UCD foi Presidente provincial en Málaga e Secretario Rexional de Andalucía nos anos 1979 e 1980, así como deputado no Congreso en representación da provincia de Málaga entre 1977 e 1982. Entre maio de 1978 e xuño de 1979 foi Conselleiro de Economía, Facenda e Turismo^[4] da primeira Xunta Preautonómica de Andalucía, que presidiu Plácido Fernández Viagas, do PSOE.

Ao disolverse a UCD en 1982, volve exercer como enxeñeiro agrónomo na súa praza da administración pública, como xefe de servizo na Delegación de Agricultura de Málaga. Durante o resto da década dos 80 colabora no proxecto do Partido Reformista Democrático (PRD) liderado por Miquel Roca Junyent, do que foi responsable provincial en Málaga, e co Centro Democrático y Social (CDS) de Adolfo Suárez. Nesta época foi a primeira voz da sociedade civil malagueña que defendeu publicamente a inclusión de Málaga na rede española de trens de alta velocidade, nun momento no que o goberno español non contemplaba a chegada da alta velocidade a Málaga, mentres que os estudos e ditames da Comisión de Transportes do Parlamento Europeo si o facían.^[5]

Etapa no Partido Popular

Posteriormente, nos anos 90, o seu acercamento ao Partido Popular (xa refundado como tal) tradúcese publicamente na súa presenza apoiando a candidatura do PP nas eleccións andaluzas de 1994, concorrendo ao ano seguinte, aínda como independente, ás eleccións municipais na lista de dito partido ao Concello de Málaga.

Tenente de alcalde do goberno encabezado por Celia Villalobos, foi concelleiro Delegado de Urbanismo, simultaneando esta responsabilidade coa doutras áreas como Vivenda, Obras, Desenvolvemento Territorial ou Transporte, entre 1995 e 2000.

Desde o ano 2000 é o alcalde de Málaga. Debeu afrontar ao mes de chegar ao cargo o asasinato de José María Martín Carpena, concelleiro do seu equipo de goberno matado por ETA, atentado ao que a cidade de Málaga respondeu coa manifestación máis multitudinaria da súa historia. Poucos meses despois asasinaban o seu cuñado Luis Portero García -Fiscal Xefe do Tribunal Superior de Xustiza de Andalucía- no portal da súa casa, o 9 de outubro dese mesmo ano, cun tiro na caluga.

De 2001 a 2003 foi presidente de Facendas Locais e membro da Comisión Executiva da Federación Española de Municipios e Provincias (FEMP). En 2003 gaña as eleccións municipais por maioría absoluta. Foi así mesmo presidente da Comisión de Mobilidade e Accesibilidade da Federación Española de Municipios e Provincias e vicepresidente primeiro da Federación Andaluza de Municipios e Provincias.

Nas eleccións municipais de maio de 2007 renovou a súa maioría absoluta no Concello de Málaga.

Actualmente é Membro da Comisión Executiva e Presidente da Comisión de Accesibilidade e Mobilidade da FEMP, Vocal da Comisión Executiva de Federación Andaluza de Municipios e Provincias (FAMP) , Vocal do Consello Municipalista Andaluz e Presidente do Spain Convention Bureau.

O 22 de maio de 2011 volve ser elixido alcalde de Málaga por maioría absoluta para os próximos catro anos de lexislatura. O 20 de novembro dese mesmo ano é elixido senador nas eleccións xerais, sendo o candidato máis votado da provincia.^[6]

Honras

É oficial de honra da Orde do Imperio Británico^[7].

Notas

↑ "Málaga, historia de un siglo. La Universidad de Málaga".
↑ "Francisco de la Torre, un caballero británico. (Ignacio Martínez. El País, 23 octubre 2000)".
↑ "La Laguna Ahora. Periódico digital.". Arquivado dende o orixinal o 16 de abril de 2009. Consultado o 01 de decembro de 2012.
↑ "Diputados de todas las legislaturas".
↑ "Artículo en el Diario Sur en 1988" (PDF). Arquivado dende o orixinal (PDF) o 28 de agosto de 2014. Consultado o 01 de decembro de 2012.
↑ Francisco de la Torre se convierte en el senador más votado
↑ O, L. (2022-09-05). "Francisco de la Torre ya es Oficial Honorario de la Orden del Imperio Británico". La Opinión de Málaga (en castelán). Consultado o 2022-09-06.

Véxase tamén

Predecesor: Celia Villalobos	Alcalde de Málaga Desde o 4 de maio de 2000	Sucesor: No cargo
Predecesor: "	Conselleiro de Economía, Facenda e Turismo da Xunta Preautonómica de Andalucía 1978-1979	Sucesor: Pedro Valdecantos
Predecesor: "	Presidente da Deputación de Málaga 1971-1975	Sucesor: "
Predecesor: Manuel Arjona Santana (máis votado)	Senador nas Cortes Xerais de España 2011-2014	Sucesor: María Ángeles Muñoz Uriol (máis votada)
Predecesor: "	Presidente Provincial de UCD en Málaga 1979-1980	Sucesor: Ninguén
Predecesor: "	Secretario Rexional de UCD en Andalucía 1979-1980	Sucesor: "
Predecesor: "	Deputado no Congreso das Cortes Xerais de España 1977-1982	Sucesor: "

[1] "Málaga, historia de un siglo. La Universidad de Málaga".

[2] "Francisco de la Torre, un caballero británico. (Ignacio Martínez. El País, 23 octubre 2000)".

[3] "La Laguna Ahora. Periódico digital.". Arquivado dende o orixinal o 16 de abril de 2009. Consultado o 01 de decembro de 2012.

[4] "Diputados de todas las legislaturas".

[5] "Artículo en el Diario Sur en 1988" (PDF). Arquivado dende o orixinal (PDF) o 28 de agosto de 2014. Consultado o 01 de decembro de 2012.

[6] Francisco de la Torre se convierte en el senador más votado

[7] O, L. (2022-09-05). "Francisco de la Torre ya es Oficial Honorario de la Orden del Imperio Británico". La Opinión de Málaga (en castelán). Consultado o 2022-09-06.

[1]

[2]

[3]

[4]

[5]

[6]

[7]