Gabino Bugallal

Gabino Bugallal
	;
Nome orixinal	(es) Gabino Bugallal Araújo
Biografía
Nacemento	19 de febreiro de 1861 ; Ponteareas, España
Morte	31 de maio de 1932 (71 anos); París, Francia
Lugar de sepultura	cemiterio de Thiais (1960–)
Minister of the National Economy (en)
	18 de febreiro de 1931 – 14 de abril de 1931 ; ← Amalio Gimeno y Cabañas (pt) – Luis Rodríguez de Viguri Seoane →
Presidente do Goberno de España
	8 de novembro de 1921 – 13 de marzo de 1921 ; ← Eduardo Dato Iradier – Manuel Allendesalazar Muñoz →
Ministro de Gobernación
	1 de setembro de 1920 – 14 de agosto de 1921 ; ← Francisco Bergamín García (pt) – Rafael Coello y Oliván (en) →
Ministro de Graza e Xustiza
	6 de maio de 1920 – 1 de setembro de 1920 ; ← Pablo Garnica y Echevarría (pt) – Mariano Ordóñez García →
Ministro de Facenda
	20 de xullo de 1919 – 5 de maio de 1920 ; ← Juan de la Cierva Peñafiel – Lorenzo Domínguez Pascual →
Ministro de Facenda
	11 de xuño de 1917 – 3 de novembro de 1917 ; ← Santiago Alba Bonifaz – Joan Ventosa →
Deputado no Congreso dos Deputados
	4 de marzo de 1914 – 16 de marzo de 1916 ; ← Alejandro Saint-Aubin (pt) – Carlos Regino Soler Mora (en) → ; Circunscrición electoral: Villena (en)
Ministro de Facenda
	27 de outubro de 1913 – 9 de decembro de 1915 ; ← Amalio Gimeno y Cabañas (pt) – Ángel Urzáiz →
Ministro de Instrución Pública e Belas Artes
	20 de xullo de 1903 – 5 de decembro de 1903 ; ← Manuel Allendesalazar Muñoz – Lorenzo Domínguez Pascual →
Actividade
Lugar de traballo	Madrid
Ocupación	político, avogado
Partido político	Partido Liberal-Conservador ; Partido Liberal Fusionista
Membro de	Real Academia de Ciencias Morais e Políticas ; Real Academia Galega (membro correspondente)
Familia
Fillos	Matilde Bugallal, María del Carmen Bugallal
Pai	José Ramón Bugallal
Irmáns	Isidoro Bugallal; Darío Bugallal Araújo
	Sinatura

Para outras páxinas con títulos homónimos véxase: Bugallal.

Gabino Bugallal Araújo, nado en Ponteareas o 19 de febreiro de 1861 e finado en París o 30 de xuño de 1932, foi un avogado e político galego, conde de Bugallal.

Traxectoria

Fillo de José Ramón Bugallal Muñoz e neto do xornalista Isidoro Araújo. Deputado xa desde moi novo, dentro das filas do Partido Conservador, especialmente relacionado co grupo de Raimundo Fernández Villaverde. Foi nomeado ministro en diversas ocasións: no Goberno de Fernández Villaverde, de xullo de 1903, desempeñou a carteira de Instrución Pública e Belas Artes, na que estivo ata o 5 de decembro dese ano. Ministro de Facenda no Goberno de Eduardo Dato de 1912 (27 de outubro ao 31 de decembro), de novo do 11 de xuño ao 3 de novembro de 1917, e por última vez, do 2 de xullo de 1919 ao 5 de maio de 1920, no Goberno de Sánchez Toca.

Ministro de Graza e Xustiza con Dato en maio de 1920, e en agosto dese mesmo ano substituíu a Bergamín como ministro de Gobernación e adoptou unha política de man dura contra a conflitividade social. Partidario de medidas represivas, nomeou a Severiano Martínez Anido gobernador civil de Barcelona e tolerou a aplicación da lei de fugas.

Ocupou interinamente a xefatura do Goberno tras o asasinato de Eduardo Dato e, en contra da vontade de Maura, intentou crear un Goberno conservador homoxéneo.

Monárquico conservador, durante a ditadura de Primo de Rivera mantivo a súa adhesión ao rei Afonso XIII. Ministro de Economía en 1931, ante o masivo apoio electoral á República, foi o único partidario do uso da forza para defender a monarquía.

Faleceu no Hotel Savoy de París e foi soterrado provisionalmente nunha igrexa da rue de la Pompe, ata que en 1960 a súa filla trasladou os seus restos ao cemiterio de Thiais, París, onde repousan^[1].

Vida persoal

Irmán de Isidoro Bugallal. Tío de José Luis Bugallal Marchesi. En 1912 herdou o Condado de Bugallal da súa curmá Adelaida García Rodríguez.

Notas

↑ Han recibido sepultura definitiva los restos de D. Gabino Bugallal, ABC. 22/6/1960.

Véxase tamén

Bibliografía

Candeira Mosquera, Francisco (1990). Caciquismo e poder local na Galicia da restauración (distrito de Ponteareas, 1881-1894). Ponteareas: Galicia - Sur. ISBN 84-404-8088-1.
Vallejo Pousada, Rafael; Pro Ruiz, Juan e Pan-Montojo, Juan (2005). Cobián, González Besada e Bugallal: Tres ministros galegos na crise da Restauración. Deputación Provincial. ISBN 84-8457-255-2.
Prada Rodríguez, Julio e López Blanco, Rogelio (2001): "Galicia", pp. 349–382 en El poder de la influencia: geografía del caciquismo en España (1875-1923)
"Bugallal Araújo, Gabino". Dicionario biográfico de Galicia. Ir Indo Edicións. 2010-2011. pp. 141–142.
"Bugallal y Araújo, Gabino". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.

Outros artigos

Predecesor: Eduardo Dato	Presidente do Goberno de España 1921	Sucesor: Manuel Allendesalazar

[1] Han recibido sepultura definitiva los restos de D. Gabino Bugallal, ABC. 22/6/1960.

[1]