Gillette Stadium
| Gillette Stadium | |
|---|---|
.jpg) | |
| Datos | |
| Coordenadas | 42°05′27″N 71°15′52″O / 42.090944444444, -71.264344444444 |
| Localización |  Foxborough, Estados Unidos |
| Alcume | The Razor |
| Nomes antigos | CMGI Field (2002) |
| Construción | |
| Inauguración | 11 de maio de 2002 (22 anos) |
| Arquitecto | Populous |
| Enxeñeiro | Bliss and Nyitray, Inc. |
| Custo | $325 millóns |
| Estadio | |
| Superficie | FieldTurf |
| Dimensións | 115 × 75 yd / 105 × 69 |
| Capacidade | 66.829 |
| Propietario | Kraft Sports Group |
| Operadora | Kraft Sports Group |
| Localía | New England Patriots (2002– ) New England Revolution (2002– ) |
| Web | http://www.gillettestadium.com/ |
| [ editar datos en Wikidata ] | |
Gillette Stadium é un estadio situado na cidade de Foxborough, Massachusetts (Estados Unidos), 39 km ao suroeste do centro da capital do estado, Boston, e 32 km ao nordés de Providence, Rhode Island. Inaugurado en 2002 co nome de CMGI Field, serve como estadio e sede administrativa dos New England Patriots da National Football League (NFL) de fútbol americano e dos New England Revolution da Major League Soccer (MLS) de fútbol.
Historia
[editar | editar a fonte]O estadio ten capacidade para albergar a 66.829 espectadores, incluíndo 87 palcos de luxo. O estadio é propiedade e está operado por Robert Kraft, dono tanto dos Patriots como do Revolution, a través Kraft Sports Group. Kraft xa era o dono do antigo estadio de Foxborough de 1988, antes incluso de adquirir os Patriots en 1994. Cando a finais desa década se precisou dun novo recinto, pois o antigo, con máis de vinte anos de uso, xa non atendía as necesidades, pensouse en trasladar ao equipo a Hartford, Connecticut. Con todo, a idea foi abandonada e decidiuse construír Gillette Stadium ao lado do antigo Foxboro Stadium.
A construción comezou o 24 de marzo de 2000, sendo dous anos despois, o 11 de maio de 2002, o primeiro evento oficial celebrado no estadio: un partido de fútbol dos Revolution. Porén, a gran cerimonia de inauguración sería o 9 de setembro co partido de fútbol americano entre os Patriots e os Pittsburgh Steelers, reeditando a Super Bowl daquel ano. No ano 2003 foi sede dalgún partido do Mundial de Fútbol feminino.
