Heitor (nome)

Heitor^[1]^[2] é un nome propio masculino galego. A súa orixe é o grego Héktōr, que se interpreta como 'rexedor (do pobo)'. A acentuación moderna deste nome é aguda,^[2] segundo a adaptación que sufriu na Idade Media.

En xaneiro de 2023 existían 51 varóns en Galicia co nome Heitor, cunha media de idade de 22,4 anos.^[3]

Historia do nome

A popularidade do nome débese ao personaxe da mitoloxía grega Heitor, fillo do rei Príamo, o máis valente e afouto dos guerreiros de Troia. Durante a Idade Media, o nome Heitor tivo algunha presenza en Galicia. Porén, coa chegada do século XVI, comezou a desaparecer debido á influencia das normas eclesiásticas. Un exemplo disto foi unha disposición do bispado de Ourense en 1544, que instaba aos cregos a evitar nomes considerados non cristiáns durante os bautismos, promovendo o uso exclusivo de nomes de santos e santas.^[2]

Heitor noutras linguas

Alemán: Hektor
Catalán: Hèctor
Castelán: Héctor
Éuscaro: Hektor
Francés: Hector
Inglés: Hector
Italiano: Ettore
Portugués: Heitor
Ruso: Gektor

Notas

↑ Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.
↑ ^2,0 ^2,1 ^2,2 Boullón Agrelo, A. I. (coord.). "Heitor". Guía de nomes galegos. A Coruña: Real Academia Galega. <https://academia.gal/nomes>.
↑ Nome Heitor na Web do Intituto Galego de Estatística

Véxase tamén

Outros artigos

[1] Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.

[RAG-2] 2,0 ^2,1 ^2,2 Boullón Agrelo, A. I. (coord.). "Heitor". Guía de nomes galegos. A Coruña: Real Academia Galega. <https://academia.gal/nomes>.

[3] Nome Heitor na Web do Intituto Galego de Estatística

[1]

[2]

[3]