Girolamo Fabrizi d'Acquapendente

Girolamo Fabrizi d'Acquapendente
	;
Nome orixinal	(it) Girolamo Fabrici d'Acquapendente
Biografía
Nacemento	20 de maio de 1533 ; Acquapendente, Italia (pt)
Morte	21 de maio de 1619 (86 anos); Padua, Italia
Residencia	Italia
Educación	Universidade de Padua
Director de tese	Gabriele Falloppio
Actividade
Campo de traballo	Anatomía
Ocupación	cirurxián, profesor universitario, anatomista
Empregador	Universidade de Padua
Profesores	Gabriele Falloppio
Alumnos	William Harvey, Emilio Parisano (pt) , Salomon Alberti (pt) e Thomas Fincke (pt)
Obra
Doutorando	William Harvey e Adrianus Spigelius (pt)
Descrito pola fonte	Dicionario Enciclopédico Brockhaus e Efron; Biblioteca dixital BEIC; Obálky knih,

Girolamo Fabrizi d'Acquapendente, (en latín, Hieronymus Fabricius; en galego, Xerome Fabricio), nado en Acquapendente en 1537 e finado o 21 de maio de 1619, foi un destacado anatomista italiano.

Traxectoria

Biografía académica

Fabricio estudou en Padua, onde terminou ocupando a cátedra de cirurxía até entón nas mans do seu antigo profesor Gabriele Falloppio (1523-1562). O seu alumno máis soado será William Harvey (1578-1657), con quen lle unirá unha longa amizade e ao que axudará considerablemente nos seus traballos sobre a circulación sanguínea.

Labor

Fabricio foi o primeiro en aplicar exhaustivamente o método de Vesalio da observación directa ao estudo dos embrións. Así mesmo, foi pioneiro na publicación de ilustracións baseadas no estudo sistemático do desenvolvemento do pito.

Grazas á disección de animais, Fabricius investigou a formación do feto, a estrutura do esófago, o estómago e o intestino, así como as particularidades do ollo, o oído e a larinxe. A súa principal achega foi o descubrimento das válvulas membranosas no interior das veas.

Fabricio estudou a embrioxénese de varios vertebrados, facendo especial énfase na anatomía dos embrións máis que nos procesos de desenvolvemento. A bolsa de Fabricio das aves (órgano inmunitario e hematopoético) recibe ese nome no seu honor. A súa visión da nova embrioloxía está presente na influencia que exerceu sobre William Harvey.

Bibliografía

Os seus escritos de anatomía e fisioloxía foron reunidos baixo o título de Opera omnia anotomica et phisiologica e os seus tratados de cirurxía na súa Opera chirurgica(1617).

Notas

William A. Locy (1925). The Story of Biology. Columbia University Press : xiv 495 p.
Oppenheimer, J. (1967) Essays in the history of biology and embryology, M.I.T. Press.

Véxase tamén

Ligazóns externas

Obra de Fabricius (en francés)