Landsat

Landsat é unha serie de satélites artificiais dos Estados Unidos para a observación e o estudo da Terra.^[1]

Características

Os satélites Landsat comezaron denominándose ERTS (Earth Resources Technological Satellite), pero a primeira unidade xa foi renomeada a Landsat 1 unha vez en órbita. Son enviados a órbitas polares e están adicados á observación e o estudo da Terra para obter información sobre recursos forestais, agrícolas, xeoloxía, recursos minerais e hidrolóxicos, para facer estudos xeográficos, cartografía, estudos da contaminación, oceanografía e recursos mariños e estudar fenómenos meteorolóxicos. Lanzáronse oito satélites Landsat, cun so fallo, entre 1972 e 2013.^[1]

Landsat 1, 2 e 3

Os tres primeiros satélites Landsat eran unha versión modificada do satélite meteorolóxico Nimbus 4. Cada un levaba a bordo un sistema vidicon para obter imaxes no espectro visible e no infravermello próximo, un escáner multiespectral de catro canais para obter imaxes radiométricas da Terra e un sistema de comunicacións para recoller datos de estacións remotas e envialos a centros científicos. Os satélites dispoñían de dúas cintas de vídeo capaces de gravar ata 30 minutos de datos do escáner ou do vidicon, o que lles proporcionaba a capacidade de cubrir practicamente toda a superficie terrestre gardando e enviando datos. Landsat 1 foi lanzado en 1975, Landsat 2 en 1975 e Landsat 3 en 1978, o primeiro mediante un Delta 900 e os dous últimos mediante Delta 2910.^[2]^[1]

Landsat 4 e 5

Landsat 4 e 5 eran satélites idénticos. Landsat 4 empezou sendo un satélite experimental para probar novos sensores e un novo sistema de datos automatizado. Cada satélite estaba formado por dous módulos: o módulo de instrumentos, cos sensores científicos, o panel solar, a antena de comunicacións e o GPS; e o módulo multimisión, albergando sistemas estandarizados de enerxía, propulsión, control de actitude, comunicacións e xestión de datos. Ambos satélites tiñan unha masa duns 1900 kg e excederon de lonxe o seu tempo planeado de vida, duns tres anos: Landsat 4 se mantivo 25 anos recollendo datos e Landsat 5, 28 anos. Landsat 4 foi lanzado o 16 de xullo de 1982, mentres que Landsat 5 o foi o 1 de marzo de 1984, ambos mediante foguetes Delta 3920.^[3]^[1]

Landsat 6 e 7

Landsat 6 foi un programa comercial conxunto entre a NOAA e a compañía EOSAT para proporcionar datos a diferentes aplicacións de busca de recursos terrestres e incluíndo monitorización ambiental, planificación urbanística e cartografía. O satélite levaba un único instrumento a bordo, o ETM, Enhanced Thematic Mapper, que obtiña imaxes en sete canais espectrais, seis no rango visible cunha resolución de 30 m e un no rango do infravermello térmico cunha resolución de 120 m. Landsat 6 estaba baseado no deseño dos satélites TIROS-N e foi lanzado o 5 de outubro de 1993 usando un foguete Titan II SLV, pero pouco despois do lanzamento perdeuse contacto coa nave, non conseguindo entrar en órbita.^[4]^[1]

Landsate 7 pola súa banda foi un satélite conxunto da NASA, a NOAA e o servizo de estudos xeolóxicos dos Estados Unidos. Ao igual que Landsat 6, levaba como único instrumento un ETM. Foi lanzado o 15 de abril de 1999 mediante un Delta 7920.^[4]^[1]

Landsat 8 e 9

Landsat 8 e 9 son parte da denominada Misión de Continuidade dos Datos de Landsat (Landsat Data Continuity Mission). Teñen unha masa de 3085 e 2864 kg respectivamente e foron lanzados o 11 de febreiro de 2013 e o 27 de setembro de 2021 mediante foguetes Atlas 5.^[5]^[1]

Historial de lanzamentos

Misión^[1]^[2]^[3]^[4]^[5]	Data de lanzamento^[1]^[2]^[3]^[4]^[5]	Foguete lanzador^[1]^[2]^[3]^[4]^[5]	Notas^[1]^[2]^[3]^[4]^[5]
Landsat 1	23 de xullo de 1972	Delta 900	Éxito
Landsat 2	22 de xaneiro de 1975	Delta 2910	Éxito
Landsat 3	5 de marzo de 1978	Delta 2910	Éxito
Landsat 4	16 de xullo de 1982	Delta 3920	Éxito
Landsat 5	1 de marzo de 1984	Delta 3920	Éxito
Landsat 6	5 de outubro de 1993	Titan II SLV	Fallo
Landsat 7	15 de abril de 1999	Delta 7920	Éxito
Landsat 8	11 de febreiro xullo de 2013	Atlas 5	Éxito

Notas

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Mark Wade (2020). "Landsat" (en inglés). Consultado o 20 de agosto de 2020.
↑ ^2,0 ^2,1 ^2,2 ^2,3 ^2,4 Gunter Dirk Krebs (2020). Gunter's Space Page, ed. "ERTS 1 / Landsat 1, 2, 3" (en inglés). Consultado o 20 de agosto de 2020.
↑ ^3,0 ^3,1 ^3,2 ^3,3 ^3,4 Gunter Dirk Krebs (2020). Gunter's Space Page, ed. "Landsat 4, 5" (en inglés). Consultado o 20 de agosto de 2020.
↑ ^4,0 ^4,1 ^4,2 ^4,3 ^4,4 ^4,5 Gunter Dirk Krebs (2020). Gunter's Space Page, ed. "Landsat 6, 7" (en inglés). Consultado o 21 de agosto de 2020.
↑ ^5,0 ^5,1 ^5,2 ^5,3 ^5,4 Gunter Dirk Krebs (2020). Gunter's Space Page, ed. "Landsat 8, 9 (LDCM)" (en inglés). Consultado o 21 de agosto de 2020.

Véxase tamén

Outros artigos

[astronautix-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Mark Wade (2020). "Landsat" (en inglés). Consultado o 20 de agosto de 2020.

[gunter1-2] 2,0 ^2,1 ^2,2 ^2,3 ^2,4 Gunter Dirk Krebs (2020). Gunter's Space Page, ed. "ERTS 1 / Landsat 1, 2, 3" (en inglés). Consultado o 20 de agosto de 2020.

[gunter2-3] 3,0 ^3,1 ^3,2 ^3,3 ^3,4 Gunter Dirk Krebs (2020). Gunter's Space Page, ed. "Landsat 4, 5" (en inglés). Consultado o 20 de agosto de 2020.

[gunter3-4] 4,0 ^4,1 ^4,2 ^4,3 ^4,4 ^4,5 Gunter Dirk Krebs (2020). Gunter's Space Page, ed. "Landsat 6, 7" (en inglés). Consultado o 21 de agosto de 2020.

[gunter4-5] 5,0 ^5,1 ^5,2 ^5,3 ^5,4 Gunter Dirk Krebs (2020). Gunter's Space Page, ed. "Landsat 8, 9 (LDCM)" (en inglés). Consultado o 21 de agosto de 2020.

[1]

[2]

[3]

[4]

[5]