Les Roseaux sauvages

Les Roseaux sauvages
Ficha técnica
Título orixinal	Les Roseaux sauvages
Director	André Téchiné
Produtor	Georges Benayoun Alain Sarde
Guión	Olivier Massart Gilles Taurand André Téchiné
Intérpretes	Élodie Bouchez Gaël Morel Stéphane Rideau Frédéric Gorny
Fotografía	Jeanne Lapoirie
Montaxe	Martine Giordano
Distribuidora	Pan Européenne Distribution
Estrea	1 de xuño de 1996
Duración	110 minutos
Orixe	Francia
Xénero	Drama
Orzamento	3,8 millóns de dólares
Recadación	5,2 millóns de dólares
Na rede

Les Roseaux sauvages é un filme francés de 1994 dirixido por André Téchiné. O filme trata do espertar de catro adelescentes e a súa transición á adultez a finais da guerra de Independencia de Alxeria. Foi escollido como candidato de Francia para o Óscar ó mellor filme internacional na 67ª edición dos premios, mais finalmente non foi nomeado.

Sinopse

Suroeste de Francia, 1962. Dous adolescentes, François e Maïté, acoden a unha voda. Un militar casa cunha campesiña para evitar volver a Alxeria a facer a guerra. Este pídelle á nai de Maïté, a Sra. Álvarez, responsable da célula local do partido comunista e profesora do seu irmán, que o axude a desertar, mais ela négase porque o partido, igual que o presidente de Gaulle, apoia a independencia. François atópase co irmán do soldado, Serge, que lle pide axuda para a materia de francés. François acepta e ao ir facéndose máis amigo de Serge dáse de conta de que prefire os mozos. Sincérase con Maïté, que non se sente atraída por ninguén e rexeita de momento a sexualidade.

Personaxes

Os protagonistas, Gaël Morel e Élodie Bouchez, promocionando o filme no Festival de Cannes de 1994.

• Élodie Bouchez como Maïté Alvarez
• Gaël Morel como François Forestier
• Stéphane Rideau como Serge Bartolo
• Frédéric Gorny como Henri Mariani
• Michèle Moretti como Madame Alvarez
• Jacques Nolot como Monsieur Morelli
• Eric Kreikenmayer as Pierre Bartolo
• Nathalie Vignes como Irène
• Michel Ruhl como Monsieur Cassagne
• Fatia Maite como Aicha Morelli

Véxase tamén

Outros artigos

• Filmes de Francia propostos ó Óscar ó mellor filme internacional
• Filmes propostos ó mellor filme internacional na 67ª edición dos Óscar

Ligazóns externas

• Les Roseaux sauvages na IMDb (en inglés).