Luís Calvo

Luís Calvo
Biografía
Nacemento	19 de xullo de 1897 ; Santa Marina de Somoza, España
Morte	7 de xullo de 1980 (82 anos); Carballo, España
Actividade
Ocupación	emprendedor
Familia
Fillos	José Luis Calvo Pumpido, Manuel Calvo Pumpido
Premios
	(1996) Medalla de Prata de Galicia ;

Luís Calvo Sanz, nado en Santa Marina de Somoza (Santa Colomba de Somoza, León) o 19 de xullo de 1897 e finado en Carballo o 7 de xullo de 1980,^[1] foi un empresario galego.

Traxectoria

Fillo de José Calvo Pérez, que rexentaba un almacén de coloniais en Carballo. Cando morreu o pai en 1902, herdou xunto á súa nai o negocio familiar. Estudou nos Escolapios de Monforte de Lemos e fixo o bacharelato na Coruña no Colexio Dequidt, despois estudou a carreira de profesor mercantil. En 1928 coñeceu a Emilio González López, co que estableceu unha fonda amizade, e afiliouse á ORGA. Coa proclamación da Segunda República foi elixido concelleiro de Carballo. Militante de Izquierda Republicana, formou parte da Comisión Xestora da Deputación da Coruña constituída en marzo de 1936.

Co golpe de Estado do 18 de xullo de 1936 foi xulgado na Coruña por rebelión, resultou absolto, pero foi sancionado por "Responsabilidades Políticas". Na posguerra montou unha fábrica de carne en latas. Cando un decreto prohibiu a conserva de carnes decidiu transformala en fábrica de fabada en conserva, orixe do Grupo Calvo. Despois pasou ao escabeche. Nos anos sesenta introduciuse no bonito co invento dunha empacadora de atún. Finou en en Carballo o 7 de xullo de 1980.^[1]

Recoñecementos

En 1996 recibiu a Medalla de Prata de Galicia.

Vida persoal

Casou en 1934 con María Dolores Pumpido Esperante e foi pai de Manuel e José Luis Calvo Pumpido.

Notas

↑ ^1,0 ^1,1 Necrolóxica en La Voz de Galicia, 8-7-1980, p. 56.

Véxase tamén

Bibliografía

Fraga Rodríguez, Xan. "Luis Calvo Sanz 1897-1980" (PDF). En Fundación Galicia Empresa. Empresarios de Galicia. Volumen 2. pp. 433–459. Arquivado dende o orixinal (PDF) o 06 de xaneiro de 2018. Consultado o 05 de xaneiro de 2018.

Ligazóns externas

Historia do Grupo Calvo Arquivado 17 de xuño de 2013 en Wayback Machine.

[:0-1] 1,0 ^1,1 Necrolóxica en La Voz de Galicia, 8-7-1980, p. 56.

[1]