Marina Ortega

Marina Ortega
Biografía
Nacemento	22 de xaneiro de 1983 (41 anos); O Carballiño, España
Deputada de España
	Representa: Partido dos Socialistas de Galicia; 3 de decembro de 2019 – 13 de marzo de 2020 – Uxía Tizón Vázquez → ; Lexislatura: XIV lexislatura do Congreso de España ; Circunscrición electoral: Ourense ; Electa en: eleccións ao Congreso de España de novembro de 2019
Deputada de España
	8 de maio de 2019 – ; Lexislatura: XIII lexislatura de España ; Circunscrición electoral: Ourense ; Electa en: eleccións ao Congreso de España de abril de 2019
Actividade
Lugar de traballo	Madrid
Ocupación	política
Partido político	Partido dos Socialistas de Galicia

Marina Ortega Otero, nada no Carballiño o 22 de xaneiro de 1983, é unha psicóloga e política galega, membro do Partido dos Socialistas de Galicia (PSdeG-PSOE). Deputada no Congreso dos Diputados durante a XIII Lexislatura e a XIV Lexislatura, en marzo e xuño de 2020 presentouse como cabeza de lista do seu partido pola Provincia de Ourense ás convocatorias de abril e xullo dese ano ás Eleccións ao Parlamento de Galicia de 2020.

Traxectoria

Traxectoria académica e laboral

Licenciada en psicoloxía pola Universidade de Santiago de Compostela, forma parte da Xunta de Goberno do Colexio Oficial de Psicoloxía de Galicia, onde é vogal na sección de Psicoloxía Xurídica.

Exerceu a psicoloxía infantil, adulta e forense, ademais de dirixir o programa Recurra na provincia de Ourense.

Traxectoria política

Tralas eleccións municipais de España de 2015, convértese en Concelleira de Servizos Sociais, Igualdade e Sanidade no Concello do Carballiño.

No XIII Congreso do PSdeG-PSOE é elixida para formar parte da Executiva de Gonzalo Caballero Míguez, electo Secretario Xeral do PSdeG, asumindo así a Secretaría de Políticas Sociais da CENG.^[1]

Despois da moción de censura contra Mariano Rajoy de 2018, asume a xefatura de gabinete da Subdelegación do Goberno en Ourense ata que encabeza a lista pola súa provincia para as eleccións xerais de España de abril de 2019 resultando electa.^[2]

Durante a XIII Lexislatura convértese en Vicepresidenta Primeira da Comisión de Sanidade, Consumo e Benestar Social e en portavoz adxunta da Comisión de Igualdade. Está tamén adscrita á Comisión de Orzamentos, á Comisión de Fomento e á Comisión para as Políticas Integrais da Discapacidade. E, ademais, é vogal na Comisión de Dereitos da Infancia e a Adolescencia e na Comisión Mixta de Relacións co Defensor do Pobo.^[3]

Meses máis tarde, volve a repetir posto de saída para as eleccións xerais de España de novembro de 2019 e resulta tamén electa.

Durante a XIV Lexislatura repite como Vicepresidenta Primeira da Comisión de Sanidade, Consumo e Benestar Social e como portavoz adxunta da Comisión de Igualdade. Ademais, é vocal da Comisión de Dereitos da Infancia e Adolescencia, da Comisión Mixta de Relacións co Defensor de Pobo e da Comisión Mixta para o Estudo dos Problemas das Adicións.^[4]

Tralo anuncio das eleccións ao Parlamento de Galicia de 2020, dimite e convértese de novo en candidata para ditos comicios, acompañada do tamén exsenador Juan Carlos Francisco Rivera. Para substituíla no Congreso dos Deputados, causa alta Uxía Tizón Vázquez.^[5]

Notas

↑ X. r. b. (2017-10-30). "Caballero asume el reto con tres vicesecretarías sin integración". Atlántico (en castelán). Consultado o 2020-06-12.
↑ "Marina Ortega asume la jefatura de gabinete de la Subdelegación de Ourense". La Voz de Galicia (en castelán). 2018-07-18. Consultado o 2020-06-12.
↑ "Perfil da deputada durante a XIII Lexislatura na web do Congreso dos Deputados". Arquivado dende o orixinal o 22 de agosto de 2019.
↑ "Perfil da deputada durante a XIV Lexislatura na web do Congreso dos Deputados". Arquivado dende o orixinal o 13 de xuño de 2020.
↑ "Ortega deja la Comisión de Sanidad y va a Galicia". Consalud (en castelán). Consultado o 2020-06-12.

Véxase tamén

Outros artigos

Lista de deputados galegos no Congreso desde a Transición

[1] X. r. b. (2017-10-30). "Caballero asume el reto con tres vicesecretarías sin integración". Atlántico (en castelán). Consultado o 2020-06-12.

[2] "Marina Ortega asume la jefatura de gabinete de la Subdelegación de Ourense". La Voz de Galicia (en castelán). 2018-07-18. Consultado o 2020-06-12.

[3] "Perfil da deputada durante a XIII Lexislatura na web do Congreso dos Deputados". Arquivado dende o orixinal o 22 de agosto de 2019.

[4] "Perfil da deputada durante a XIV Lexislatura na web do Congreso dos Deputados". Arquivado dende o orixinal o 13 de xuño de 2020.

[5] "Ortega deja la Comisión de Sanidad y va a Galicia". Consalud (en castelán). Consultado o 2020-06-12.

[1]

[2]

[3]

[4]

[5]