Mario Ferreiro
 Mario Ferreiro en 2017. | |
| Biografía | |
|---|---|
| Nacemento | 30 de maio de 1959  (65 anos)Asunción, Paraguai |
| Intendente municipal de Asunción | |
| | |
| Datos persoais | |
| Relixión | Catolicismo |
| Educación | Universidade Nacional de Asunción |
| Actividade | |
| Ocupación | político, xornalista |
| Partido político | Partido Revolucionario Febrerista |
Sinatura  | |
| Sitio web | marioferreiro.com.py |
 | |
Mario Aníbal Ferreiro Sanabria, nado en Asunción o 30 de maio de 1959;[1] é un presentador, escritor, xornalista e político paraguaio, que exerceu como intendente municipal de Asunción entre 2015 e 2019.[2][3]
Comezou como xornalista de radio e prensa escrita en 1979, e presentador de televisión en 1980. Gañou notoriedade como presentador de programas de televisión como La mañana de cada día e 24 Horas, na canle de televisión aberta SNT, o que lle axudou a iniciar a súa carreira política. Á par da súa traxectoria xornalística, traballou tamén na escritura, publicando varios libros de relatos e chistes.[4]
Traxectoria
[editar | editar a fonte]Formación académica
[editar | editar a fonte]Ferreiro realizou os seus estudos universitarios de Comunicación Social na Universidad Católica Nuestra Señora de la Asunción, e realizou cursos de inglés avanzado na Universidade Tunale, Nova Orleáns, e na Universidade Estatal de Wichita, Kansas, nos Estados Unidos.[5]
Carreira xornalística
[editar | editar a fonte]En 1979, chegou ao Sistema Nacional de Televisión (SNT), a canle onde levaría a maior parte da súa carreira profesional. Durante varios anos, foi condutor do programa de infoentretemento La mañana de cada día (A mañá de cada día) e presentador do noticiario 24 Horas, dous dos programas de maior audiencia do SNT. Foi locutor en Aspen Classic 102.7 FM entre 1998 e 2012. Traballou durante doce anos como editor de ABC Color, un dos xornais máis populares de Paraguai.
En 2008, foi nomeado correspondente da CNN en castelán nas Eleccións Xerais do 20 de abril de 2008, que deron a vitoria a Fernando Lugo. Tamén conduciu a serie radiofónica Mario x 800, na emisora La Unión AM 800; así como nos programas El mañanero, emitidos por LaTele; e La Bitácora, de Red Guaraní.
Carreira política
[editar | editar a fonte].jpg)
Tras máis de trinta anos na televisión, Ferreiro decidiu entrar en política en abril de 2012.[6] Unido inicialmente á concertación do Frente Guasú,[7] abandonouno por diferenzas políticas con Fernando Lugo e outros dirixentes, e decidiu presentarse como candidato á Concertación Avanza País. O 21 de abril de 2013, Ferreiro caeu nas eleccións ante Horacio Cartes, o candidato do Partido Colorado. Tras a súa derrota, Ferreiro regresou aos medios de comunicación.
En 2015, Ferreiro decidiu retirarse de novo dos medios de comunicación, para optar á intendencia municipal da cidade de Asunción pola Concertación Avanza País, en alianza co Partido Liberal Radical Auténtico. En varias enquisas dáse como favorito, mentres que noutras danlle un segundo lugar ao seu principal rival, o economista e entón intendente Arnaldo Samaniego, candidato á Asociación Nacional Republicana. O 15 de novembro do mesmo ano, resultou vencedor das eleccións, superando ao seu principal rival por máis de 23.000 votos, rematando 15 anos do partido Colorado na intendencia de Asunción.
Ferreiro exerceu como alcalde da cidade de Asunción desde o 19 de decembro de 2015, ata a súa sorpresiva dimisión o 20 de decembro de 2019, despois de que a fiscalía paraguaia asaltase as dependencias da intendencia da capital, tras unha denuncia pola suposta existencia dun esquema de cobro paralelo.[8] Ferreiro foi absolto de culpa e reproche no proceso por presunta vulneración de confianza e tráfico de influencias en 2023.[9]
Notas
[editar | editar a fonte]- ↑ "Datos del Intendente: Mario Aníbal Ferreiro Sanabria". Portal de Gobernaciones y Municipios de la República del Paraguay (en castelán). 2016-06-30. Consultado o 2024-10-17.
- ↑ "Mario Ferreiro juró como intendente de Asunción". Municipalidad de Asunción (en castelán). 2015-12-21. Consultado o 2024-10-17.
- ↑ Zalazar, José (2023-03-25). "Mario Ferreiro, el sobreviviente: “La espiritualidad me ayudó en los peores momentos de mi vida”". Canal Vida (en castelán). Consultado o 2024-10-17.
- ↑ "Autor: Mario Anibal Ferreiro Sanabria". Ediciones Técnicas Paraguayas (en castelán). Consultado o 2024-10-17.
- ↑ AIE Encuentros (junio de 2022). "Desafíos para el desarrollo de la industria musical en Paraguay" (PDF). Entidad Paraguaya de Artistas Intérpretes o Ejecutantes. p. 7. Consultado o 2024-10-21.
- ↑ "Paraguay: Conductor de televisión deja el periodismo para intentar ser presidente". El Territorio (en castelán). Arxentina. 10 de abril de 2012. Consultado o 2024-10-17.
- ↑ "Mario Ferreiro lanza candidatura fuera del Frente Guasu". Última Hora (en castelán). 2012-10-08. Consultado o 2024-10-17.
- ↑ "Intendente de Asunción renuncia en medio de pesquisa por corrupción". Reuters (en castelán). 20 de decembro de 2019. Consultado o 2024-10-16.
- ↑ "Queda firme absolución de Mario Ferreiro de causa que motivó su renuncia a la intendencia". ABC Color (en castelán). 2023-01-10. Consultado o 2024-10-17.
