Micromorcegos

Os micromorcegos ou microquirópteros (Microchiroptera) son unha suborde da orde Chiroptera. O termo de microquirópteros é algo inexacto, xa que algúns deles son máis grandes que os megaquirópteros.

O tamaño varía entre 4 e 16 centímetros. A maioría do alimento dos microquirópteros son os insectos. Algúns cazan especies máis grandes: lagartos, ras ou mesmo peixes. Hai microquirópteros, como o vampiro (Desmodus rotundus) de América do Sur, que se alimentan de sangue de grandes mamíferos.

Diferenzas entre micro e macroquirópteros

As distincións entre microquirópteros e megaquirópteros son:

• Mentres que os megaquirópteros son fruxívoros, a maioría dos microquirópteros aliméntanse de insectos.
• Os microquirópteros usan a ecolocalización e os megaquirópteros non (agás unha especie e de forma diferente).
• Aos microquirópteros fáltalles a garra no segundo dedo do pé.
• As orellas dos microquirópteros non forman un anel pechado, senón que os bordos están separados na base da orella.

Clasificación

Esta clasificación é a adoptada por Simmons & Geisler (1998):

• Superfamilia Emballonuroidea
  • Familia Emballonuridae
• Superfamilia Rhinopomatoidea
  • Familia Rhinopomatidae
  • Familia Craseonycteridae
• Superfamilia Rhinolophoidea
  • Familia Rhinolophidae
  • Familia Nycteridae
  • Familia Megadermatidae
• Superfamilia Vespertilionoidea
  • Familia Vespertilionidae
• Superfamilia Molossoidea
  • Familia Molossidae
  • Familia Antrozoidae
• Superfamilia Nataloidea
  • Familia Natalidae
  • Familia Myzopodidae
  • Familia Thyropteridae
  • Familia Furipteridae
• Superfamilia Noctilionoidea
  • Familia Noctilionidae
  • Familia Mystacinidae
  • Familia Mormoopidae
  • Familia Phyllostomidae