Monoblastozoos

Monoblastozoos
(Monoblastozoa)

Dominio:	Eukaryota
Reino:	Animalia
Filo:	Monoblastozoa Frenzel, 1892
Familia:	Salinellidae Frenzel, 1892
Xénero:	Salinella Frenzel, 1892

Especie

Salinella salvae Frenzel, 1892

Os monoblastozoos (Monoblastozoa)^[1] son un filo do reino animal de dubidosa existencia e aínda máis dubidosa filiación.

Baséase nunha única especie, Salinella salve, que foi descrita en 1892 por Johannes Frenzel nunha solución salina ao 2 % a partir de material procedente da auga de dúas minas de sal de Córdoba (Arxentina).^[2]

Segundo o autor do único rexistro publicado do organismo, o corpo de Salinella consta dunha capa única de células (ao que alude o nome de monoblastozoo) carecendo de tecidos e órganos. Máis organizado que os protozoos, trátase porén dun moi primitivo organismo pluricelular caracterizado por presentar as súas partes anterior e posterior diferentes, e por estar densamente ciliado, especialmente ao redor da "boca" e do "ano". Reprodúcese asexualmente por fisión transversal do corpo e, aínda que se sospeita que pode reproducirse sexualmente, non hai evidencias disto.^[2]

A esta especie outorgóuselle a categoría de filo por recoñecerse que o dos Mesozoa era demasiado diverso para ser un filo en si mesmo.

Pero a descrición se Salinella é ambigua e imprecisa, e non puido caracterizarse con precisión dado que nunca se volveu observar, polo que algúns zoólogos dubidan da súa existencia.^[3]

Notas

↑ Do grego μόνος monos, "un só", "único", βλαστός blastos, "xerme" (aquí no sentido de "capa xerminativa do embrión"), e ζωον zōon, "animal",
↑ ^2,0 ^2,1 Frenzel, J. (1892): "Untersuchungen über die mikroskopische Fauna Argentiniens". Archiv für Naturgeschichte 58: 66–96.
↑ Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill Interamericana de España. ISBN 0-87893-097-3.

Véxase tamén

Bibliografía

Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill Interamericana de España. ISBN 0-87893-097-3.

[1] Do grego μόνος monos, "un só", "único", βλαστός blastos, "xerme" (aquí no sentido de "capa xerminativa do embrión"), e ζωον zōon, "animal",

[F-2] 2,0 ^2,1 Frenzel, J. (1892): "Untersuchungen über die mikroskopische Fauna Argentiniens". Archiv für Naturgeschichte 58: 66–96.

[3] Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill Interamericana de España. ISBN 0-87893-097-3.

[1]

[2]

[3]