Ponte do Pozo Negro

Ponte do Pozo Negro
Localización
Coordenadas	42°43′42″N 8°13′27″O
Río	Deza
Concello	Silleda - Vila de Cruces
Provincia	Pontevedra
Características
Construción	Principios século XX
Tipo	taboleiro
Material	Pedra, formigón e ferro

A ponte do Pozo Negro ou do Puzo Negro^{[Cómpre referencia]} é unha ponte construída sobre o río Deza entre as parroquias de Ponte (Silleda) e San Pedro de Losón (Vila de Cruces).

Situación e descrición

Sitúase a carón do Pozo Negro, do cal toma o nome. Este pozo do Deza recibe esta denominación debido á cor escura que toma a auga do río nese lugar.

Consta dunha plataforma de formigón e ferro, protexida por unha varanda tamén de ferro. Esta plataforma sostense sobre dúas paredes de parede levantadas a ambas lados do río, estando contruída a do lado de Ponte sobre un penedo.

Historia

Foi construída a comezos do século XX para canalizar o tránsito de persoas e mercadorías entre as terras do Corpiño e Carbia e as de Trasdeza, onde se viña celebrando na parroquia de Silleda unha feira os días 6 e 23 de cada mes. Así pois, o camiño que se dirixe cara esta ponte aínda conserva o nome de camiño da feira.

Coa mellora das vías e medios de comunicación, esta ponte caeu en desuso en detrimento doutras próximas (A Carixa, Ponte Taboada). No ano 1993, abriuse ao tránsito a PO-205, cuxo viaduto axudou a salvar o desnivel do Deza entre Ponte e San Pedro de Losón. Na actualidade a ponte do Pozo Negro só é utilizada por troiteiros e sendeiristas.

Galería de imaxes

• 
  Cara norte da ponte.
• 
  Penedo no Pozo Negro.
• 
  O Pozo Negro.

Véxase tamén

Ligazóns externas

• Ponte do Pozo Negro na páxina web colaborativa Patrimonio Galego.