Rugby a 7
| ||
| Tipo | disciplina deportiva  | |
|---|---|---|
| Localización e Datas | ||
| Vixencia | 1833 – | |
O rugby a 7 ou rugby sevens é unha variante do rugby union na que cada equipo compite con sete xogadores no campo, en encontros de 14 minutos divididos en dúas metades. A entidade que goberna o sevens é o World Rugby. Esta disciplina deportiva naceu na localidade escocesa de Melrose a finais do século XIX, onde comezou a disputarse o torneo Melrose Sevens.
Historia
[editar | editar a fonte]O rugby a sete creouno Ned Haig, un carniceiro e xogador de rugby de Melrose (Escocia), como un evento creado para recadar fondos para o seu club en 1883. O primeiro encontro deste deporte celebrouse nas Greenyards cun gran recibimento. O torneo con máis participantes do mundo nesta modalidade é o National Schools Sevens do club Rosslyn Park de Londres, a onde van xogar máis de 7.000 estudantes de Inglaterra, de entre 13 e 19 anos.
O primeiro torneo oficial entre seleccións foi o Torneo Internacional de Seven-a-Side de 1973 disputado no Murrayfield Stadium. Ese torneo contou con oito seleccións: cinco europeas (Inglaterra, Irlanda, Escocia, Gales e Francia) e tres do hemisferio sur (Nova Zelandia, Australia e o President's VII de Suráfrica).
Debido a ese éxito, en 1976 creouse o Sevens de Hong Kong. Nas súas orixes, o torneo combinaba clubs e seleccións especiais de países anglosaxóns con seleccións nacionais de países de Asia e Oceanía. O número de combinados nacionais foi aumentando co tempo.
En 1993, creouse a Copa do Mundo de Rugby a 7. Este campionato dispútase cada catro anos, pero a sétima edición disputarase con cinco anos por medio da copa anterior.
No ano 1999, confirmáronse as Series Mundiais de Rugby a 7, un certame que consiste en 10 torneos de seleccións nacionais.
O primeiro torneo de seleccións nacionais femininas de rugby a 7 foi o Sevens de Hong Kong 1997. En 2009 comezouse a disputar a Copa do Mundo Feminina. No 2012 creáronse as series femininas.
Diferenzas co rugby union
[editar | editar a fonte]O máis importante do sevens é ter velocidade, técnica e unha boa forma física. Un equipo está maioritariamente formado por xogadores de 3/4, xa que son máis rápidos que os dianteiros, aínda que normalmente os terceiros liñas (flankers e número 8) forman parte destes equipos.
Ademais, os xogadores teñen que ser máis creativos á hora de crear xogadas por que as partes só duran 14-20 minutos por partido.
Hai moitas variantes nas regras do xogo, que son principalmente para axilizar o xogo e xustificar o número reducido de xogadores. Os cambios principais son estes.
- 7 xogadores (non 15)
- 5 suplentes e 3 trocos (en vez de 7 e 7)
- Descanso intermedio de 1 minuto, menos nos campionatos que é de 2 (non 10)
- Se o encontro remata en empate, continúase cunha prórroga de morte súbita en períodos de 5 minutos
- As conversións deben ser realizadas mediante unha patada en aire (non cun place kick, patada unha posición estática no chan)
- A conversión debe facerse nos 40 segundos seguintes a realizarse o ensaio (en lugar de en 90 segundos)
- Melés de 3 persoas (non de 8)
- O equipo que marca saca (en vez de que saque o que non marcou)
- Os cartóns amarelos suspenden a un xogador durante 2 minutos (e non durante 10)
- As suspensións nesta modalidade son moito máis graves. O equipo xoga cunha persoa menos durante un 1/7 de parte e non durante 1/8
de encontro. Ademais, perder a unha persoa de 7 xera moitos máis espazos que perder a unha de 15.
Competicións
[editar | editar a fonte]As competicións de sevens máis importantes son:
- As Series Mundiais de Rugby a 7. Campionato anual entre seleccións nacionais, composto por 9 torneos que se disputan entre novembro e maio. Un deles, o Sevens de Hong Kong, está considerado o torneo de sevens máis importante do mundo.
- A Copa do Mundo de Rugby a 7. Campionato entre seleccións nacionais que se disputa cada 4 anos.
Tamén se disputan competicións de sevens nos Xogos da Commonwealth dende 1998, nos Xogos Mundiais dende o 2001 e nos Xogos Panamericanos dende 2011. A partir de Río de Xaneiro 2016 será un deporte olímpico. Outros torneos históricos son o Middlesex Sevens e o Melrose Sevens.
Posicións
[editar | editar a fonte]| Posicións do rugby a 7 | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Véxase tamén
[editar | editar a fonte] |
Commons ten máis contidos multimedia sobre: Rugby a 7 |
Outros artigos
[editar | editar a fonte]- Rugby
- Rugby league
- Copa do Mundo de Rugby a 7
- Series Mundiais de Rugby a 7
- Series Mundiais Femininas de Rugby a 7
Ligazóns externas
[editar | editar a fonte]- Páxina oficial das Series Mundiais de Sevens (en inglés)
- Páxina oficial da Copa do Mundo de Sevens Arquivado 16 de setembro de 2016 en Wayback Machine. (en inglés)
