A Supercopa de España de baloncesto, actualmente coñecida por motivos de patrocinio como Supercopa Endesa, é unha competición que se celebra anualmente en España entre catro equipos: o gañador da Liga ACB, o gañador da Copa do Rei, o equipo local e o equipo que faga mellor participación en competicións europeas a pasada campaña. Se o mesmo equipo gaña a Copa e a Liga, entón os dous seguintes equipos na Liga ACB compiten.
A Supercopa naceu na década de 1980. Neste época a Supercopa enfrontaba ao campión da Liga ACB co campión da Copa do Rei (subcampión se un equipo facía dobrete) en pista neutral. O Real Madrid levou a edición do ano 1984, o Joventut de Badalona as dos anos 1985 e 1986 e, a última en 1987, foi para o FC Barcelona. En 2004 renaceu a competición co formato actual.
