Europa meridional

Os países sureños de Europa.

Europa meridional ou Europa do sur ás veces chamada a Europa mediterránea é unha subrexión do continente europeo. Actualmente non existe unha definición definitiva xa que hai moitos factores que inflúen coma a lingua, a relixión, a cultura, a historia e a xeografía. Xeralmente inclúense nesta definición a España, a Portugal, a Italia e a Grecia, xeralmente ós países mediterráneos do continente europeo. O sur de Francia e o 3% do territorio turco na Europa, adoitan incluírse nesta definición.

Definición xeográfica

Xeograficamente, o sur da Europa está constituído pola metade inferior do continente europeo. Esta definición considérase moi relativa xa que non inclúe límite ningún. Os Alpes e o macizo central europeo adoitan considerarse a barreira física entre Italia, Francia e o resto de Europa.

Definición xeográfica das Nacións Unidas

Para os seus traballos oficiais e publicacións, a Organización das Nacións Unidas clasifica ós seguintes países como parte da Europa meridional :

• Albania
• Andorra
• Bosnia e Hercegovina
• Croacia
• Xibraltar
• Grecia
• Cidade do Vaticano
• Italia
• Macedonia do Norte
• Malta
• Montenegro
• Portugal
• San Marino
• Serbia
• Eslovenia
• España

Definición climática

Mapa das zonas europeas con clima Mediterráneo.

A definición climática do sur de Europa é moi semellante á das zonas con clima mediterráneo. O clima mediterráneo adoita definirse como definición da Europa meridional. Esta área é a zona tradicional de orixe dos principais produtos do sur da Europa coma o viño e máis o aceite de oliva.

A área mediterránea presenta en xeral paisaxes e hábitats semellantes.

A área climática mediterránea está composta por dous terzos de Portugal, o sur e a costa leste de España, a costa sueste de Francia (xunto coa illa de Córsega), todo o territorio de Italia agás a chaira do río Po e a rexión dos Alpes, as costa de Croacia, Bosnia e Hercegovina, Montenegro e Albania, xunto coa práctica totalidade de Grecia, Chipre e Malta.

Definición lingüística e cultural

Mapa lingüístico da Europa latina en azul, os países da rexión balcánica aparecen en verde.

Os países de linguas románicas adoitan asociarse co concepto de Europa meridional, Grecia e os países balcánicos adoitan estar relacionados co concepto da Europa do sueste.

Países pertencentes á Europa do sur

• Península Ibérica
  • Portugal
    • Azores
    • Madeira
  • España
    • Illas Baleares
  • Andorra
  • Xibraltar (Reino Unido)
• Península Itálica
  • Italia
    • Sicilia
    • Sardeña
  • Cidade do Vaticano
  • San Marino
• Península balcánica
  • Albania
  • Bosnia e Hercegovina
  • Bulgaria
  • Croacia
  • Grecia
    • Creta
  • Montenegro
  • Macedonia do Norte
  • Romanía (38%: Valaquia e Dobruia)
  • Serbia
  • Eslovenia
  • Turquía (3% do territorio)
• Estados Mediterráneos
  • Chipre
  • Malta