Sexto Xulio Africano

Sexto Xulio Africano

Nome orixinal	(la) Sextus Iulius Africanus
Biografía
Nacemento	c. 160 Aelia Capitolina, Israel, preto do lugar
Morte	c. 240 (Gregoriano) (79/80 anos) Xerusalén
Actividade
Ocupación	escritor, historiador, filósofo
Período de tempo	Imperio Romano
Profesores	Héraclas de Alexandria (pt)
Obra
Obras destacables Chronographiai (en)
Descrito pola fonte	Paulys Realenzyklopädie der klassischen Altertumswissenschaft Dicionario Enciclopédico Brockhaus e Efron Enciclopedia Xudía de Brockhaus e Efron

Sexto Xulio Africano, nado en Xerusalén sobre o 160 e finado sobre 240, foi un historiador e apoloxista helenista de influencia cristián-africana.

Traxectoria

Naceu en Aelia Capitolina (antiga Xerusalén). Foi oficial ao servizo do emperador Septimio Severo. Alexandre Severo encargoulle organizar unha biblioteca para el en Roma. Estableceu certa amizade con Oríxenes. Viviu en Nicópole, Palestina (Emaús) de onde foi bispo "segundo a tradición" (cousa posibelmente falsa). Morreu en Xerusalén cara ao ano 250.

Obras

Escribiu unha obra chamada Crónicas (cronografía), a primeira historia sincrónica do pobo grego e xudeu, desde a data da Creación (-5500 segundo os seus cálculos) ata a época de Heliogábalo (221). Os cinco libros das súas Crónicas, dos que só perduran algúns fragmentos, son referencia obrigada para os escritores Eusebio de Cesarea, Xurxo Sincelo, Cedreno, o redactor da Crónica Paschale e outros posteriores. Xulio Africano copiou de Manetón, adaptándoo á súa mentalidade de cristián africano, redactando con afán apoloxético máis que de historiador.