ARNr 5,8S
| ARNr 5,8S | |
|---|---|
 Estrutura secundaria predita e conservación de secuencia do ARNr 5,8S | |
| Identificadores | |
| Rfam | RF00002 |
| Outros datos | |
| Dominio(s) | Eukaryota; Archaea |
| GO | 0003735 0005840 |
| Estruturas PDB | PDBe |
O ARNr 5,8S (5.8S rRNA) é un tipo de ARN ribosómico non codificante que forma parte da subunidade maior do ribosoma eucariota e desempeña un importante papel na tradución de proteínas. É transcrito pola ARN polimerase I como parte dun precursor grande de 45S, que contén os ARNr 18S e 28S. Pénsase que a súa función ten que ver coa translocación do ribosoma.[1] Tamén se sabe que forma enlaces covalentes coa proteína supresora de tumores p53.[2] O ARNr 5,8S pode utilizarse como xene de referencia para a detección de microARN.[3] O ARNr 5,8S utilízase para ter unha mellor comprensión doutros procesos dos ARNr e de vías da célula.[4]
Estrutura
[editar | editar a fonte]A estrutura do ARNr 5,8S é a dun ARN duns 150 nucleótidos que consta de zonas apareadas e monocatenarias.[5] Este ARN ribosómico, xunto cos de 28S e 5S e 46 proteínas ribosómicas, forma a subunidade maior de 60S do ribosoma eucariota citosólico.[5] O ARNr 5,8S é inicialmente transcrito xunto cos de 18S e 28S nun ARN prerribosómico de 45S, xunto cos ITS 1 e ITS 2 (espazadores internos transcritos, do inglés internal transcribed spacer) e os ETS 5’ e 3’ (espazadores externos transcritos, ou external transcribed spacer).[6] O ARNr 5,8S está localizado entre as dúas rexións ITS, nas que o ITS1 o separa do ARNr 18S en dirección 5', e o ITS2 o separa do ARNr 28S en dirección 3'. Os ITS e ETS son clivados e eliminados durante a maduración do ARNr. Isto realízase por medio dunha vía de clivaxe continua levada a cabo por enzimas endonucleases e exonucleases, que cortan os espazadores en puntos específicos.[6]
Notas
[editar | editar a fonte]- ↑ Abou Elela S, Nazar RN (May 1997). "Role of the 5.8S rRNA in ribosome translocation". Nucleic Acids Research 25 (9): 1788–94. PMC 146658. PMID 9108162. doi:10.1093/nar/25.9.1788.
- ↑ Fontoura BM, Atienza CA, Sorokina EA, Morimoto T, Carroll RB (June 1997). "Cytoplasmic p53 polypeptide is associated with ribosomes". Molecular and Cellular Biology 17 (6): 3146–54. PMC 232167. PMID 9154813. doi:10.1128/MCB.17.6.3146.
- ↑ Shi R, Chiang VL (October 2005). "Facile means for quantifying microRNA expression by real-time PCR". BioTechniques 39 (4): 519–25. PMID 16235564. doi:10.2144/000112010.
- ↑ Nazar RN (June 1984). "The ribosomal 5.8S RNA: eukaryotic adaptation or processing variant?". Canadian Journal of Biochemistry and Cell Biology 62 (6): 311–20. PMID 6380683. doi:10.1139/o84-044.
- ↑ 5,0 5,1 Walker TA, Pace NR (June 1983). "5.8S ribosomal RNA". Cell 33 (2): 320–2. PMID 6861202. doi:10.1016/0092-8674(83)90413-0.
- ↑ 6,0 6,1 Henras AK, Plisson-Chastang C, O'Donohue MF, Chakraborty A, Gleizes PE (27 Oct 2014). "An overview of pre-ribosomal RNA processing in eukaryotes". Wiley Interdisciplinary Reviews: RNA 6 (2): 225–42. PMC 4361047. PMID 25346433. doi:10.1002/wrna.1269.
Véxase tamén
[editar | editar a fonte]Ligazóns externas
[editar | editar a fonte]- Páxina para o 5.8S ribosomal RNA en Rfam
- Secuencia do ARNr 5,8S de Arabidopsis
- Secuencia do ARNr 5,8D do arroz
|
Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |