Chris Quinn

Chris Quinn

Biografía
Nacemento	27 de setembro de 1983 (40 anos) Nova Orleáns, Estados Unidos de América
Datos persoais
País de nacionalidade	Estados Unidos de América
Educación	Universidade de Notre Dame (pt) Dublin Coffman High School (en)
Altura	188 cm
Peso	84 kg
Actividade
Ocupación	baloncestista , adestrador de baloncesto
Período de actividade	2006 - 2013
Empregador	Universidade Northwestern (pt)
Nacionalidade deportiva	Estados Unidos de América
Deporte	baloncesto
Liga	NBA G League, National Basketball Association e NCAA Division I men's basketball (en)
Posición de xogo	Base
Traxectoria   Equipo - BC Khimki - Valencia BC - Miami Heat - Brooklyn Nets - San Antonio Spurs - Cleveland Cavaliers 2002-2006 Notre Dame Fighting Irish men's basketball (en)

Christopher James Quinn, nado o 27 de setembro de 1983 en Nova Orleáns, Luisiana, é un ex xogador profesional de baloncesto. Cunha altura de 1,88 metros xogaba na posición de base. Actualmente traballa como adestrador asistente dos Miami Heat.

Instituto

Quinn asistiu ao Instituto Dublin Coffman en Dublin, Ohio, onde estableceu 14 récords e foi nomeado Xogador do Ano por Columbus Dispatch Agonis en 2002. Foi elixido tamén en dúas ocasións no mellor quinteto estatal do ano, xogador do ano da Ohio Capital Conference e segundo na votación do "Mr. Basketball" de Ohio no seu ano sénior. Quinn liderou ao seu equipo aos campionatos de conferencia de 2001 e 2002, ademais de proclamarse campión de distrito en dúas ocasións.

Universidade

Na Universidade de Notre Dame pasou tres anos, sendo o co-capitán en dúas ocasións. Xogou 122 partidos, 80 coma titular, e fixo 11,1 puntos, 3,5 asistencias, 2,7 rebotes, 1,27 roubos e 31,3 minutos cun 44,7% en tiros de campo, 41,7% en triplas e 82,5% en tiros libres. Coma sénior, foi elixido no mellor quinteto da Big East Conference tras facer 17,7 puntos, 6,5 asistencias e 3,8 roubos por partido, liderando ao equipo en anotación, asistencias e empatado en roubos de balón. A tempada anterior foi seleccionado para disputar o Big East Academic All-Star, xogando na campaña 27 partidos e asinando 13,1 puntos, 3,2 asistencias e 2,9 rebotes. Coma sophomore os seus números foron 14,3 puntos e 3,3 asistencias por partido, e coma freshman 3,9 puntos e 1,6 rebotes, sendo seleccionado para o Big East Academic All-Star.

Traxectoria profesional

Despois de non ser drafteado, Miami Heat fichouno coma axente libre no verán de 2006. Na súa primeira tempada na liga, Quinn disputou 42 partidos, un deles coma titular, facendo 3,4 puntos, 1,5 asistencias e 0,7 rebotes en 9,7 minutos na pista. Quinn fixo a mellor anotación da súa traxectoria na NBA o 15 de abril do 2009 contra os Detroit Pistons, cando anotou 26 puntos. Anotou 19 dos 30 últimos puntos dos Heat naquel partido.

O 21 de xullo de 2011, fichou polo BC Khimki.

Véxase tamén

Ligazóns externas

• Perfil en nba.com (en inglés)
• Estatísticas de Chris Quinn (en inglés)
• Perfil en espn.com (en inglés)