Áiax o Menor
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2015.) |
  | |
| Nome orixinal | (grc) Αἴᾱς |
|---|---|
| Biografía | |
| Morte | Gyraean Rock, Grecia (en)  |
| Actividade | |
| Ocupación | político |
| Carreira militar | |
| Conflito | Guerra de Troia |
| Familia | |
| Fillos | Banaurus |
| Pais | Oileu e Eriópide |
| Descrito pola fonte | Dicionario Enciclopédico Brockhaus e Efron Pequeno Dicionario Enciclopédico de Brockhaus e Efron Paulys Realenzyklopädie der klassischen Altertumswissenschaft |
Áiax (en grego Αίας), era o fillo de Oileo rei de Lócrida, coñecido como o Menor para diferencialo de Áiax I, fillo de Telamón quen era recoñecido pola súa descomunal estatura.
Liderou o destacamento de Locri durante a guerra de Troia, na que tivo un papel importante.
Foi un dos guerreiros que penetraron na cidade escondidos dentro do Cabalo de Troia. Nesta última batalla, xunto con Neoptolemo, fillo de Aquiles, intérnase no pazo real, onde o primeiro asasinou o rei Príamo, mentres que Áiax encontrou á princesa Casandra refuxiada baixo un altar dedicado a Atenea. E aínda que esta pediu piedade por respecto á deusa, Áiax, no frenesí do saqueo non a escoitou e a violou alí mesmo.
Isto provocou a ira de Atenea, que coa axuda de Poseidón fixo que a nave de Áiax naufragara durante a fatídica tempestade que dispersou a frota grega no seu regreso á patria.
De aí que da súa morte existen dúas versións. A máis difundida é que pereceu afogado cando o seu barco se afundiu ó estrelarse contra un promontorio chamado "As rochas Xiras" no mar Exeo. A outra sostén que a auga o deixou sobre unha desas pedras mentres estaba inconsciente. Unha vez que a tormenta escampou e Áiax espertou, sabendo que a tormenta era obra de Poseidón para castigalo polos seus pecados, comezou a burlarse do Deus dicindo que por máis esmero que puxera non conseguira matalo. Para a súa desgraza, como se dunha resposta se tratase, unha man sostendo un tridente emerxeu das augas e guindoullo. A arma atravesou o peito de Áiax e o ensartou á rocha, matándoo ó instante. Dise que tan pronto como a súa alma o abandonou, o tridente e o seu corpo se transformaron en pedra e alí quedaron, como unha rocha alta que sobresae das augas do mar Exeo.
Véxase tamén
[editar | editar a fonte] |
A Galipedia ten un portal sobre: Grecia antiga |
 |
Wikimedia Commons ten máis contidos multimedia na categoría: Áiax o Menor  |
Bibliografía
[editar | editar a fonte]- "Aiax de Oileo". Enciclopedia Galega Universal. Ir Indo. 1999-2002. ISBN 84-7680-288-9.
