Álvaro García Diéguez
| Biografía | |
|---|---|
| Nacemento | 5 de marzo de 1959  (65 anos)A Coruña, España |
 Presidente do Deportivo da Coruña | |
| 17 de setembro de 2023 – 11 de outubro de 2024 ← Antonio Couceiro – Juan Carlos Escotet Rodríguez → | |
| Actividade | |
| Ocupación | gestor bancário (pt)  |
Álvaro Valentín García Diéguez, nado na Coruña o 5 de marzo de 1959, é un director de banco e profesor universitario galego. Entre xullo de 2023 e outubro de 2024 foi presidente do Deportivo da Coruña.
Traxectoria
[editar | editar a fonte]Licenciouse en Ciencias Económicas pola Universidade de Santiago de Compostela e realizou un mestrado en Mercadotecnia Empresarial pola Universidade Politécnica de Madrid.[1] Traballou durante décadas no sector financeiro, ocupando entre outros os cargos de director de deseño y desenvolvemento de negocio de Caixa Galicia (2005-2010), director de negocios especializados de Novacaixagalicia (2011-2015), director de operacións de Novagalicia Banco e director xeral da sección de seguros de Abanca (2015-2023). Foi tamén profesor da Facultade de Economía e Empresas da Universidade da Coruña.
En 2023 foi nomeado presidente do Deportivo da Coruña por Abanca, propietaria do club.[1] Durante a súa presidencia o club conseguiu o ascenso á Segunda División como campión absoluto da Primeira Federación. Ocupou o cargo ata o 11 de outubro de 2024, cando foi substituído polo propio propietario do club e presidente de Abanca, Juan Carlos Escotet.[2]
Notas
[editar | editar a fonte]- ↑ 1,0 1,1 "Álvaro García Diéguez, novo presidente do RC Deportivo". 17 de setembro de 2023. Consultado o 17 de setembro de 2023.
- ↑ "Escotet, ratificado como novo presidente do Deportivo". 11 de outubro de 2024. Consultado o 12 de outubro de 2024.