Álvaro Pérez López

Álvaro Pérez López
Biografía
Nacemento	13 de febreiro de 1973 (51 anos); A Coruña, España
Actividade
Ocupación	avogado, político

Álvaro Pérez López, nado na Coruña o 13 de febreiro de 1973, é un avogado e político galego do PPdeG.

Traxectoria

Estudou en dereito, exercendo como avogado desde 1997 e colaborando cun despacho da capital herculina como especialista en dereito medioambiental^[1]. Foi asesor técnico da Consellería de Medio Ambiente (1999-2002), foi profesor de dereito ambiental da Escola de Práctica Xurídica da Universidade de Santiago de Compostela (2000-2002), foi asesor para asuntos parlamentarios na Consellería de Política Territorial, Obras Públicas e Vivenda (2002-2005) con Alberto Núñez Feijóo e coordinador do grupo popular no Parlamento de Galicia (2005-2009). Tras a vitoria de Núñez Feijóo en 2009 asumiu a dirección xeral do Gabinete da Presidencia da Xunta (2009-2012), cesando^[2] para ir no número 10 nas listas do PPdeG na provincia da Coruña nas eleccións autonómicas de 2012,^[3] resultando elixido pero renunciou á acta tras a toma de posesión de Núñez Feijóo para asumir de novo a dirección xeral do Gabinete da Presidencia da Xunta o 14 de decembro de 2012.^[4]