Ève Curie

Ève Curie
	;
Biografía
Nacemento	(fr) Ève Denise Curie ; 6 de decembro de 1904 ; 13º distrito de París, Francia
Morte	22 de outubro de 2007 (102 anos); Manhattan, Estados Unidos de América
Lugar de sepultura	Metairie Cemetery (en)
Residencia	Nova York (–2007); Inglaterra ; Estados Unidos de América ; Francia
Educación	Collège Sévigné
Actividade
Campo de traballo	Música
Ocupación	xornalista, biógrafa, diplomática, membro da resistencia francesa, guionista, escritora, crítico musical, pianista, correspondente de guerra
Empregador	New York Herald Tribune (pt) , correspondente de guerra (1941–1942) ; ONU
Membro de	Free French Forces (en)
Carreira militar
Conflito	segunda guerra mundial
Instrumento	Piano
Obra
	Obras destacables (1937) Madame Curie (en) ; (1943) Journey Among Warriors (en) ;
Arquivos en	Service historique de la Défense - site de Vincennes (en) [ GR 16 P 153098], [ SHD/ GR 28 P 2 364] ;
Familia
Cónxuxe	Henry Richardson Labouisse Jr. (1954–)
Pais	Pierre Curie e Marie Curie
Irmáns	Irene Joliot-Curie
Parentes	Jacques Curie, tío paterno; Józef Skłodowski, tío materno; Bronisława Dłuska, tía materna; Helena Skłodowska-Szaley, tía materna; Maurice Curie, male pure masculine first cousin; Helena Dłuska, female parallel cousin
Premios
	(2006) Comendador da Orde de Polonia Restituta; (2005) Oficial da Lexión de Honra; (1944) Cruz de guerra 1939-1945; (1939) Cabaleiro da Lexión de Honra; (1939) Officer of the Order of Polonia Restituta (en) ; (1937) Premio Nacional do Libro ;
Descrito pola fonte	Obálky knih,

Ève Denise Julie Curie-Labouisse, nada en París o 6 de decembro de 1904 e finada en Nova York o 22 de outubro de 2007, foi unha escritora francesa. Foi a segunda filla de Marie e Pierre Curie, e en 1937 publicou unha aclamada biografía da súa nai. A súa vida estivo ligada aos premios Nobel: tanto os seus pais como a súa irmá, Irène Curie, foron galardoados co premio Nobel en ciencias, e o seu marido, Henry Richardson Labouisse, Jr. recibiu o Premio Nobel da Paz concedido a UNICEF, organización da que foi director.

Foi doutora honoris causa polo Mills College (California), o Colexio Russell Sage e a Universidade de Rochester.^[1]

Traxectoria

Creceu na casa familiar en Sceaux. Despois da morte do seu pai en 1906 e do matrimonio da súa irmá Irène co científico Frédéric Joliot, trasladouse a vivir a París coa súa nai. Estudou Ciencias e Filosofía no Collège Sévigné, graduándose en 1925. Foi concertista de piano, e realizou o seu primeiro concerto en París en 1925. Actuou en Francia e Bélxica até o estoupido da segunda guerra mundial.

Despois do falecemento da súa nai en 1934 escribiu a súa biografía, Madame Curie, que se converteu en supervendas mundial en 1938.

En 1940, caída Francia, instalouse no Reino Unido, onde se uniu á Francia Libre traballando para os Aliados até a fin da guerra. Escribiu Journey among Warriors, crónica das súas viaxes sobre as frontes da segunda guerra mundial. En 1944 fundou, xunto con Philippe Barrès, o periódico Paris-Presse, que codirixiu até 1949.^[2]

En 1952 foi nomeada conselleira especial da Secretaría Xeral da OTAN. En 1954 casou con Henry Labouisse, presidente de UNICEF durante 15 anos, e en 1958 adquiriu a nacionalidade estadounidense. Foi administradora da Fundación Curie de 1957 a 1967, a título de representante de Marie Curie, creadora da fundación.

En 1939 foi nomeada membro da Lexión de Honor e da Orde Polonia Restituta.^[3] En 1944 concédenlle a Cruz de guerra.^[3] O 13 de xullo de 2005 foi nomeada Oficial da Lexión de Honor polas súas achegas á causa humanitaria.

Obras

Ensaio

Madame Curie (Gallimard, 1938)
They speak for a nation, letters from France (Doubleday, 1941)
Journey among Warriors (W. Heinemann, 1943)
Voyage parmi les guerriers (Flammarion, 1946)

Teatro

Tradución ao francés da obra de teatro 145, Wall Street (1933)

Notas

↑ Dictionnaire biographique francais contemporain (1950), Ed. Pharos, vol. 2, pág. 196.
↑ Claude Bellanger: Histoire générale de la presse française, Ed. universitaires de France, 1969, tomo. IV, pág. 286.
↑ ^3,0 ^3,1 Thomson Gale, Anne Commire, Donna Olendorf (1986): Something about the Author, Ed. Gale, vol. 1, pag. 73. ISBN 0810300508.

Véxase tamén

Outros artigos

Gale Encyclopedia of Biography: Eve Curie

Ligazóns externas

[1] Dictionnaire biographique francais contemporain (1950), Ed. Pharos, vol. 2, pág. 196.

[2] Claude Bellanger: Histoire générale de la presse française, Ed. universitaires de France, 1969, tomo. IV, pág. 286.

[gale-3] 3,0 ^3,1 Thomson Gale, Anne Commire, Donna Olendorf (1986): Something about the Author, Ed. Gale, vol. 1, pag. 73. ISBN 0810300508.

[1]

[2]

[3]