Óscar Rodríguez López

Óscar Rodríguez López
Biografía
Nacemento	10 de xuño de 1903 ; Avilés, España
Morte	22 de xuño de 1976 (73 anos)
Actividade
Ocupación	futbolista
Período de actividade	1920 -
Deporte	fútbol
Posición de xogo	Centrocampista, dianteiro centro
–
Traxectoria

Óscar Rodríguez López, nado en Avilés o 10 de xuño de 1904 e finado en Santander en 1976, foi un futbolista e adestrador español. Desenvolveu case toda a súa carreira no Racing de Santander, club do que é o máximo goleador histórico.

Foi internacional coa selección española.^[1]

Traxectoria

Fillo dun pescador vigués e dunha avilesina, ao pouco de nacer instalouse coa súa familia na Coruña. Na cidade herculina comezou a xogar ao fútbol no Unión Sporting, equipo ao que capitaneou durante anos e onde se converteu nunha das maiores promesas do fútbol galego.^[2]

Despois de xogar algúns partidos co Real Club Coruña, instalouse en Santander,^[3] onde militou no Racing de Santander dende 1920. Tras un breve regreso á Coruña, onde vestiu a camiseta do Deportivo da Coruña, volveu ao Racing, no que xogou durante preto de 20 anos. Dianteiro centro rápido e con disparo potente, é o máximo goleador da historia do Racing, con 236 tantos.^[4] Foi o dianteiro centro da primeira selección de fútbol de Cantabria en 1924, e o primeiro futbolista profesional inscrito en Cantabria tras a admisión do profesionalismo en 1926.

Na Copa do Rei de 1928 marcoulle un triplete ao Real Madrid e outro ao Atlético de Madrid, e con 15 goles foi o segundo máximo goleador da competición, a pesar de que o Racing quedou eliminado na fase de grupos. En 1929 os seus goles foron decisivos na fase de clasificación para decidir o décimo equipo que estrearía a Primeira División.^[5] Na tempada 1930/31 acadou co Racing o subcampionato de liga, ao rematar só por detrás do Athletic Club. Nas súas últimas tempadas no Racing actuou como xogador-adestrador.

En 1940 fichou pola UD Salamanca, tamén como xogador-adestrador.

Selección española

Coa selección española actuou en dúas ocasións, a primeira delas nun partido contra Portugal en Lisboa en 1925 e a segunda contra Suíza en Santander en 1927.

Notas

↑ Gómez Samperio, Raúl (1999). Futbolistas internacionales cántabros del siglo XX. Santander: Caja Cantabria. ISBN B492005165.
↑ "Oscar Rodriguez". El Balón (en castelán) (410). 18 de abril de 1932. p. 6. Consultado o 15 de xuño de 2024.
↑ Menéndez Llamazares, Javier (9 de xuño de 2012). "De la furia a la roja". El Diario Montañés (en castelán). Consultado o 16 de febreiro de 2013.
↑ Gómez Samperio, Raúl (19 de abril de 2013). "El gol de la novia". El Diario Montañés (en castelán). Consultado o 10 de xaneiro de 2022.
↑ López Carreño, José (1 de marzo de 2015). "1929: El Racing de Santander, verdugo del Sevilla, por dos veces.". Cuadernos de fútbol (en castelán) (63). ISSN 1989-6379. Arquivado dende o orixinal o 20 de xuño de 2022. Consultado o 10 de xaneiro de 2022.

Véxase tamén

Ligazóns externas

Datos do xogador en BDFutbol (en castelán).
Datos do adestrador en BDFutbol (en castelán).
Datos do xogador Arquivado 10 de xaneiro de 2022 en Wayback Machine. coa selección española (en castelán).

[1] Gómez Samperio, Raúl (1999). Futbolistas internacionales cántabros del siglo XX. Santander: Caja Cantabria. ISBN B492005165.

[2] "Oscar Rodriguez". El Balón (en castelán) (410). 18 de abril de 1932. p. 6. Consultado o 15 de xuño de 2024.

[3] Menéndez Llamazares, Javier (9 de xuño de 2012). "De la furia a la roja". El Diario Montañés (en castelán). Consultado o 16 de febreiro de 2013.

[4] Gómez Samperio, Raúl (19 de abril de 2013). "El gol de la novia". El Diario Montañés (en castelán). Consultado o 10 de xaneiro de 2022.

[5] López Carreño, José (1 de marzo de 2015). "1929: El Racing de Santander, verdugo del Sevilla, por dos veces.". Cuadernos de fútbol (en castelán) (63). ISSN 1989-6379. Arquivado dende o orixinal o 20 de xuño de 2022. Consultado o 10 de xaneiro de 2022.

[1]

[2]

[3]

[4]

[5]