Šarūnas Marčiulionis

Cadro de medallas
Unión Soviética
Xogos Olímpicos
Eurobasket
Lituania
Xogos Olímpicos
Eurobasket

Šarūnas Marčiulionis
	;
Biografía
Nacemento	13 de xuño de 1964 (60 anos); Kaunas
Datos persoais
País de nacionalidade	Lituania (1990–); Unión Soviética (1964–1990)
Educación	Universidade de Vilnius
Altura	196 cm
Peso	91 kg
Actividade
Ocupación	baloncestista
Período de actividade	1981 - 1997
Nacionalidade deportiva	Lituania ; Unión Soviética
Deporte	baloncesto
Liga	National Basketball Association
Posición de xogo	Escolta
Número deportivo	13
Convocado por	Golden State Warriors
Traxectoria
Participou en
1996	Xogos Olímpicos de 1996
1995	EuroBasket 1995 (pt)
1992	Xogos Olímpicos de 1992
1989	EuroBasket 1989 (en)
1988	Xogos Olímpicos de 1988
1987	Campionato Europeo de Baloncesto Masculino de 1987
1985	Universíada de Verão de 1985 (pt)
Familia
Fillos	Augustas Marčiulionis (pt)
	Premios (xullo de 2015) FIBA Hall of Fame (pt) ; Officer of the Order of Gediminas (en) ; Grand Officer of the Order of Gediminas (en) ; Commander of the Order of Gediminas (en) ; Orden da Amistade; Mestre emérito do deporte da Unión Soviética; Orde da Insignia de Honra ;

Raimondas Šarūnas Marčiulionis, nado o 13 de xuño de 1964 en Kaunas, Unión Soviética (agora Lituania) é un ex xogador profesional de baloncesto lituano. Cunha altura de 1,96 metros, foi un dos primeiros europeos en xogar con regularidade na NBA, permanecendo nela durante sete tempadas.

Tamén é coñecido pola súa implicación co baloncesto lituano, axudando á construción da súa selección nacional ademais de ser fundador da Liga de baloncesto de Lituania (Lietuvos Krepšinio Lyga) e da Liga de Baloncesto do Norte de Europa (NEBL), a cal sería posteriormente absorbida pola actual Liga de Baloncesto do Báltico. Actualmente é un dos homes de negocios máis importantes do seu país.

Traxectoria deportiva[editar | editar a fonte]

Europa[editar | editar a fonte]

Nado en Kaunas, comezou a xogar profesionalmente na cidade de Vilnius, entón pertencente á URSS, no equipo do Statyba Vilnius. Comezou no club con tan só 17 anos, en 1981, permanecendo alí até o ano 1989, cando decide dar o salto á NBA. Isto converteuno no primeiro xogador lituano en facelo.

Selección nacional[editar | editar a fonte]

Foi un fixo nas seleccións nacionais da URSS a finais dos anos 1980 e da de Lituania na década de 1990. Coa URSS, xunto co seu compatriota Arvydas Sabonis, gañaron a medalla de ouro nos Xogos Olímpicos de Seúl 1988, ademais da medalla de prata nos Campionatos de Europa de Baloncesto celebrados en Grecia en 1987.

Con Lituania, gañou o bronce nos Xogos Olímpicos de Barcelona 1992 e Atlanta 1996,^[1] ademais dunha nova medalla de prata no europeo de 1995.^[2]

NBA[editar | editar a fonte]

Foi elixido polos Golden State Warriors na sexta rolda do Draft da NBA de 1987, quen tiveron que esperar dous anos para que se incorporase ao equipo, na tempada 1989-90. Alí xogou durante catro tempadas, sendo finalista en dúas ocasións ao premio do Mellor Sexto Home da NBA, en 1991 e 1992. Ese ano do 92 foi o mellor da súa carreira, tras facer medias de 18,9 puntos e 3,4 asistencias por partido.

Tras perderse un ano completo de competición por mor dunha grave lesión no xeonllo, foi traspasado a Seattle SuperSonics, onde o seu nivel de xogo baixou ostensiblemente. Ao ano seguinte foi traspasado a Sacramento Kings, finalizando a súa carreira na NBA nos Denver Nuggets, na tempada 1996-97. No total da súa carreira en Estados Unidos fixo medias de 12,8 puntos, 2,3 rebotes e 2,2 asistencias.

Equipos[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Perfil en nba.com
Perfil en nba.com/historical
Estatísticas de Marčiulionis na NBA Arquivado 02 de xaneiro de 2012 en Wayback Machine.

[1] Vídeo do partido de Lituania e a URSS en Barcelona 1992

[2] Iugoslavia 96 - Lituania 90 (Final Eurobasket Atenas 1995)

[1]

[2]