A-57
 | Este artigo ou sección refírese ou está relacionado cun evento futuro. A información deste artigo pode cambiar frecuentemente. Por favor, non agregues datos especulativos e lembra colocar referencias a fontes fiables para dar máis detalles. |
| Autovía A-57, Autovía do Atlántico | |
|---|---|
| Tipoloxía | Autovía |
| Rede | Rede de estradas do Estado |
| Lonxitude | 150 +/- km |
| Localización | |
| Inicio | A Coruña |
| Fin | O Confurco (Ponteareas) |
A Autovía do Atlántico ou A-57 é unha futura autovía situada no corredor occidental de Galicia, que discorrerá dende A Coruña ata O Confurco (Ponteareas), pasando por Santiago de Compostela e Pontevedra.
Na actualidade, dividiuse para a súa tramitación en bastantes treitos, con diferentes estados. O único treito en obras é o traxecto entre Vilaboa e A Ermida, que pertence á circunvalación leste de Pontevedra.
A A-57 empezará na cidade da Coruña, aproveitará a autovía AC-14 dende o seu inicio ata a súa conexión coa A-6, irá ata Santiago ao oeste da N-550 e a AP-9. En Santiago de Compostela circunvalará polo oeste, creando unha auténtica circunvalación circular en dita cidade. Logo rodeará Padrón, Pontecesures e Valga polo oeste chegando a Curro onde haberá un gran nó de conexións coa AP-9, AG-41 a Sanxenxo e a futura AG-47 a Vilagarcía de Arousa. O último treito, coa tramitación máis avanzada e os proxectos construtivos listos, bordeará Pontevedra polo leste, en Vilaboa terá conexións coa AP-9 e a futura A-59 a Vigo, logo subirá polo monte para chegar á zona do Confurco, nas proximidades do Porriño, onde se conectará coa A-52 e a A-55.
Ata o 1 de outubro do 2015, a A-57 ía dende Barro ata O Confurco. En 2015, cambiouse a orixe ata a cidade da Coruña e foi bautizada co novo nome de Autovía do Atlántico. [1]
Treitos
[editar | editar a fonte]| Denominación | Treito | Quilómetros | Ano servizo / Estado (2020) |
|---|---|---|---|
| AC-14 | A Coruña - Ledoño A-6) | 10,2 | Tramo Lonzas-A Zapateira: 2015[2] Tramo A Zapateira-Ledoño: 2011[3] |
| Ledoño (A-6) - Ordes Norte | - | Pendente novo estudo informativo | |
| Ordes Norte - Ordes Sur | 12,2 | Estudo informativo | |
| Ordes Sur - Sigüeiro Sur | 11 | Estudo informativo | |
| Sigüeiro Sur - Padrón Norte | 35 | Estudo informativo | |
| Padrón Norte - Valga | 6,2 | Estudo informativo | |
| Valga - Barro | - | Pendente novo estudo informativo | |
| Barro (conexión AP-9, AG-47 e AG-41) - Pilarteiros | 10,2 | Estudo informativo aprobado (pendente da licitación do proxecto)[4] | |
| Pilarteiros - A Ermida (circunvalación de Pontevedra tramo 2) | 5,04 | Estudo informativo rematado (sometida información pública)[5] (pendente de relicitación de proxecto) | |
| A Ermida - Vilaboa (Circunvalación de Pontevedra tramo 1) | 6,48 | Rematado e aberto ao tráfico[6] | |
| Vilaboa - Soutomaior (conexión A-59) | 7,5 | En redacción de proxecto (proxecto adxudicado o 09/09/2009) | |
| Soutomaior - Pazos de Borbén | 6,1 | En redacción de proxecto (proxecto adxudicado o 07/08/2008) | |
| Pazos de Borbén - Padróns | 7,1 | En redacción de proxecto (proxecto adxudicado o 02/04/2009) | |
| Padróns - O Confurco (Ponteareas A-52) | 7,2 | En redacción de proxecto (proxecto adxudicado o 02/04/2009) |
Notas
[editar | editar a fonte]- ↑ BOE
- ↑ La tercera ronda abre a la circulación casi completa 15 años después de ser concebida
- ↑ Entra en servicio el tramo entre A Zapateira y Ledoño de la tercera ronda de La Coruña
- ↑ "Copia arquivada". Arquivado dende o orixinal o 19 de xullo de 2018. Consultado o 31 de maio de 2020.
- ↑ [1]
- ↑ https://www.g24.gal/-/abre-ao-trafico-o-primeiro-tramo-da-a-57-tras-nove-anos-de-obras
