AEK B.C.

	AEK B.C.
Información xeral
Nome	Athlitiki Enosis Constantinoupoleos
Liga	A1 Ethniki / BCL
Fundación	1924
Cores	Dourado, negro
Presidente	Makis Angelopoulos
Adestrador	Dragan Šakota
Localización
Cidade	Atenas, Grecia
Pavillón	OAKA Indoor Hall
Capacidade	18.500
Inauguración	1995
Campionatos
C. Saporta	2 (1968, 2000)
BCL	1 (2018)
Liga	8 (1958, 1963, 1964, 1965, 1966, 1968, 1970, 2002)
Copa	4 (1981, 2000–2001, 2018)
	aekbc.gr

O A.E.K. Basketball Club (en grego: Αθλητική Ένωσις Κωνσταντινουπόλεως, literalmente: Unión de Atletas de Constantinopla) é a sección de baloncesto da sociedade polideportiva AEK Atenas con base en Atenas, Grecia. Actualmente compite na A1 Ethniki, a máxima categoría do baloncesto grego, e na Eurocup. Foi fundado en 1924 por refuxiados gregos que fuxiron de Constantinopla (hoxe Istambul), trala Guerra Greco-Turca (1919-1922). Hoxe é un dos clubs helenos máis populares de Grecia, contando con numerosos seareiros en Grecia e Chipre, así como nas comunidades da diáspora grega en todo o mundo, principalmente en Australia, o Reino Unido e os Estados Unidos.

O AEK foi o primeiro equipo da historia do baloncesto grego, non só en chegar a unha final da Euroliga, senón tamén en gañar un título europeo. O 4 de abril de 1969, o AEK venceu ao Slavia Praha por 89-82 en Atenas, nun encontro celebrado ante 80.000 espectadores. Na súa historia o equipo gañou até en oito ocasións a liga grega, tres veces a copa, dúas veces a Copa Saporta (antiga Recopa de Europa) e unha Champions League. O AEK xoga os seus partidos como local no OAKA Indoor Hall, un pavillón con capacidade para 18.500 espectadores.

Historia

O equipo de baloncesto do AEK é unha das seccións máis exitosas da sociedade polideportiva AEK Atenas. A razón é que foi o primeiro en gañar unha competición a nivel internacional. Nada máis formarse o equipo, en 1924, gañaron un torneo organizado ese ano pola YMCA. É un dos únicos tres equipos (os outros dous son o Panathinaikos BC e o Aris Tesalónica que levan competindo ininterrompidamente na Primeira División grega (denominada dende 1986 A1 Ethniki) dende a tempada 1963-64.

O AEK foi o primeiro equipo grego en participar na Final Four da Copa de Europa, hoxe en día denominada Euroliga, en 1966, nunha edición que se celebrou en Boloña. Dous anos máis tarde, en 1968, foi tamén o primeiro equiopo do seu país en gañar un título continental, ao derrotar ao Slavia Praga por 89-82 na final da Recopa de Europa. Foi considerado o equipo da década dos '60, tras gañar catro títulos nacionais consecutivos, en 1963, 1964, 1965 e 1966, ademais dos acadados en 1968 e 1970.

Títulos

Competicións europeas

Euroliga
- Subcampións (1): 1998
Recopa de Europa / Copa Saporta
- Campións (2): 1968, 2000
Champions League
- Campións (1): 2018

Competicións domésticas

Liga de Grecia
- Campións (8): 1958, 1963, 1964, 1965, 1966, 1968, 1970, 2002
- Subcampións (8): 1955, 1967, 1969, 1971, 1974, 1997, 2003, 2005
Copa de Grecia
- Campións (4): 1980-81, 1999-00, 2000–01, 2017−18
- Subcampións (7): 1976, 1978, 1980, 1988, 1992, 1998, 1999
Campionato de Atenas-Pireo
- Campións (4): 1924, 1928, 1960, 1961
Segunda División de Grecia
- Campións (1): 2014

Xogadores

Dorsais retirados

Dorsais retirados do AEK B.C.
Nº	Nac.	Xogador	Posición	Período	Ano da retirada
6		Georgios Trontzos	P	1963–1980	2016
10		Georgios Amerikanos	E	1959–1975	2015

Destacados

Kurt Rambis
Jake Tsakalidis
Claudio Coldebella
Martin Müürsepp
İbrahim Kutluay
Pero Antić
Dimos Dikoudis
Ioannis Bourousis
Nikos Zisis
Pops Mensah-Bonsu

Véxase tamén

Ligazóns externas