A Volta dos Nove
A Volta dos Nove é a denominación dada a unha curva da parroquia de Baredo (Baiona), ao pé da estrada Baiona-A Guarda (actual PO-552), con motivo da represión franquista.
Historia
[editar | editar a fonte]O 16 de outubro de 1936 foron fusiladas nove persoas do Val Miñor[1]. As persoas represaliadas foron Modesto Fernández Rodríguez, Manuel Aballe Domínguez, Felicísimo Antonio Pérez Pérez, Elías Alejandro Gonda Alonso, Manuel Francisco Lijó Pérez, Fidel Leyenda Rodríguez, José Rodríguez González, Manuel Barbosa Durán e Generoso Valverde Iglesias[2].
A memoria dos asasinatos permaneceu viva polas cruces que se gravaban anonimamente, de forma continuada e clandestina, e, 78 anos despois, filmouse un documental sobre a represión e a capacidade de resistencia colectiva A volta dos nove, documental de Antonio Caneiro (2014).[3][4]
Notas
[editar | editar a fonte]- ↑ "A historia dos Nove de Baredo". Galicia Hoxe. 10 de outubro de 2007.
- ↑ "Emotiva homenaxe ás familias do Val de Miñor represaliadas polo franquismo". Infogauda. 26 de outubro de 2019.
- ↑ "A Volta dos Nove". Verkami.
- ↑ "La curva de las nueve cruces: la resistencia de un pueblo contra la barbarie falangista". www.publico.es. Consultado o 2021-02-17.