A conquista do pan

A conquista do pan
Título orixinal	La Conquête du Pain
Autor/a	Piotr Kropotkin
Orixe	Francia
Lingua	lingua francesa
Tema(s)	comunismo libertario e anarquismo
Xénero(s)	filosofía política
Data de pub.	1892
[ editar datos en Wikidata ]

A conquista do pan (título orixinal en francés La Conquête du Pain) é un libro do ruso Piotr Kropotkin publicado en 1892. Foi traducido ao galego polo ateneo libertario Lume Negro de Ponteareas e editado en 2010.

Características

Orixinalmente escrito en francés, apareceu por primeira vez como unha compilación de artigos nos periódicos anarquistas Le Révolté e La Revolté (ambos editados por Kropotkin). Foi publicado como libro por primeira vez en París en 1892, cun prefacio de Élisée Reclus, que tamén suxeriu o título. Entre 1892 e 1894 foi serializado, en parte, no periódico londiniense Freedom, do que Kropotkin era cofundador. Foi traducido e reimpreso en numerosas ocasións. Kotoku Shusui traduciuno ó xaponés en 1909.

Neste traballo Kropotkin apunta o que el considera como os erros dos sistemas económicos do feudalismo e do capitalismo, e a creación de miseria e escaseza mentres promoven o privilexio para certas clases. El opta pola proposta dun sistema económico descentralizado baseado na axuda mutua e a cooperación voluntaria, afirmando que as tendencias para este tipo de organizacións xa existen, ámbalas dúas na evolución e a sociedade humana.

Inclúe 17 artigos:

• As nosas riquezas
• O benestar para todos
• O comunismo anarquista
• A expropiación
• Os víveres
• O aloxamento
• O vestido
• Vías e medios
• As necesidades de luxo
• O traballo agradable
• O común acordo libre
• Obxecións
• O asalariamento colectivista
• Consumo e produción
• A división do traballo
• A descentralización das industrias
• A agricultura

Véxase tamén

Outros artigos

• Anarquismo
• Anarcocomunismo

Ligazóns externas

• La conquista del pan (en castelán)