Agustín Suárez Miramontes
| Biografía | |
|---|---|
| Nacemento | 1926  A Coruña, España |
| Morte | 4 de maio de 1987 (60/61 anos) |
| Actividade | |
| Ocupación | futbolista |
| Deporte | fútbol |
| Posición de xogo | Extremo esquerdo |
| Familia | |
| Irmáns | Luis Suárez José Suárez Miramontes |
Agustín Suárez Miramontes, nado na Coruña en 1926 e finado na mesma cidade o 4 de maio de 1987, foi un futbolista galego, que xogaba como extremo esquerdo.
Era irmán dos tamén futbolistas Pepiño e Luis Suárez, este último considerado o mellor futbolista galego da historia.
Traxectoria
[editar | editar a fonte]Naceu na avenida de Hércules do barrio coruñés de Monte Alto, onde os seus pais, María Miramontes González e Agustín Suárez López, rexentaban unha carnizaría.[1][2][3] Interesouse dende neno polo fútbol, deporte que tamén practicaba o seu irmán máis vello, José.
Xogou no Deportivo Ciudad ata 1945, cando pasou ao Xuvenil.[4] Militou no equipo de Rodrigo durante tres tempadas, logrando o ascenso á Terceira División e formando habitualmente na dianteira titular xunto a xogadores como Díez, Otero ou Belchite.[5] Na tempada 1948/49 fichou pola Orensana, coa que logrou ese ano o ascenso á Segunda División.[6] A continuación volveu ao Xuvenil e na tempada 1950/51 fichou pola Cultural Leonesa, da Terceira División,[7] no que permaneceu só uns meses antes de regresar ao Xuvenil. Militou neste ata 1952, e formou dianteira entre outros con Juananco e Arsenio.[8]
Persoal
[editar | editar a fonte]Casou en xullo de 1958 con Elena Babío Moscoso, na igrexa de Santiago da Coruña.[9] Faleceu o 4 de maio de 1987, aos 60 anos de idade.[4][10]
Notas
[editar | editar a fonte]- ↑ Balado, Lois (2 de maio de 2020). "De la carnicería a arquitecto mundial del fútbol; Luis Suárez cumple 85 años". La Voz de Galicia (en castelán). Consultado o 21 de xuño de 2021.
- ↑ Ruiz, Marco (18 de decembro de 2016). "“Di Stéfano, Charlton, Kopa..., era duro ser Balón de Oro”". As (en castelán). Consultado o 21 de xuño de 2021.
- ↑ "Obituario de Agustín Suárez". La Voz de Galicia (en castelán). 12 de xuño de 1962. p. 10.
- ↑ 4,0 4,1 "Murió Agustín, hermano de Luis Suárez". La Voz de Galicia (en castelán). 5 de maio de 1987. p. 43.
- ↑ "El Juvenil venció al Atlético de Zamora por tres a dos". La Voz de Galicia (en castelán). 7 de outubro de 1947. p. 5.
- ↑ "Unión Deportiva a Lugo". El Pueblo Gallego (en castelán). 5 de setembro de 1948. p. 2. Consultado o 7 de xullo de 2021.
- ↑ "El Juvenil se prepara". La Voz de Galicia (en castelán). 30 de agosto de 1950. p. 5.
- ↑ "El Juvenil derrota al Polvorín (8-1)". La Noche (en castelán) (9467). 15 de outubro de 1951. p. 2. Consultado o 7 de xullo de 2021.
- ↑ "De sociedad". La Voz de Galicia (en castelán). 8 de xullo de 1958. p. 8.
- ↑ "Defunciones". La Voz de Galicia (en castelán). 7 de maio de 1987. p. 30.