Alba Rozas Arceo

Alba Rozas Arceo

Biografía
Nacemento	1988 (35/36 anos) Lalín, España
Educación	Universidade de Santiago de Compostela
Actividade
Ocupación	escritora
Empregador	Universidade de Salamanca (2020–) Centro Ramón Piñeiro para a Investigación en Humanidades (2019–2020) campus Norte de Santiago de Compostela (2015–)

Alba Rozas Arceo, nada en Lalín en 1988, é unha profesora, investigadora, escritora e editora galega.

Traxectoria

Licenciada en Filoloxía Galega e Filoloxía Hispánica pola Universidade de Santiago de Compostela. Doutora en Estudos da Literatura e a Cultura na área de Teoría da Literatura e Literatura Comparada. Foi bolseira predoutoral do proxecto "A proxección do lugar: Compostela no seu imaxinario xeoliterario. Sistemas de Información Xeográfica e Humanidades Espaciais" da USC. Participou nos proxectos de investigación "Informes de Literatura e Investigación en Literatura Infantil e Xuvenil" do Centro Ramón Piñeiro e na Rede temática de investigación "Las literaturas Infantiles y Juveniles en el Marco Ibérico e Iberoamericano (LIJMI)". É lectora de galego da Universidade de Salamanca dende 2020.

Obra

Narrativa

• 'A dama do corazón negro', Contos Estraños. A rebelión de Prometeo, 2017.
• 'Caricatura do enxerto literario' e 'Declaración de amor satírica sobre o presente Manual de medo, noxo, vicio e morte', na antoloxía de relatos homónima de Tomás G. Ahola, Contos Estraños, 2018.
• 'Costureiriña cosida', Contos do Sacaúntos. Romasanta o vagabundo, Fundación Vicente Risco, 2019.
• A caída de Guiomar, Contos Estraños, 2020.
• 'A culpa é das sereas', Aña. Fanzine de (des)identidades femininas de Bueu, 3, 2021.
• 'Alí quedou, coa cabeza nun bidón’, Revista Inviable, 15, 2021.
• ‘Tomasa Bárbara’, Contos do Sacaúntos. Romasanta o segador. Fundación Vicente Risco, 2021.
• 'Lapislázuli. O regreso das superguerreiras', Aña. Fanzine de (des)identidades femininas de Bueu, 4, 2022.
• 'Mamá Florinda', Aña. Fanzine de (des)identidades femininas de Bueu, 5, 2023.

Poesía

• O biosbardo e os paxaros sen cor, en coautoría con José Manuel Dopazo, Boadicea Editora, 2022.
• O tesouro do caranguexo, en coautoría con José Manuel Dopazo, Boadicea Editora, 2023.

Véxase tamén

Ligazóns externas

• Rozas Arceo, Alba Arquivado 15 de febreiro de 2021 en Wayback Machine.
• Entrevista a Alba Rozas Arceo 19/12/2017.
• “Na miña obra fago unha relectura da mitoloxía galega” (13/1/2021). Faro de Vigo.

• Alba Rozas: «Para escribir hai que ler moito e enfrontarse á estupidez propia»