Alberto Ruz Lhuillier

Alberto Ruz Lhuillier

Biografía
Nacemento	(fr) Albert François Charles Ruz 27 de xaneiro de 1906 8.º arrondissement de Paris, Francia (pt)
Morte	25 de agosto de 1979 (73 anos) Montreal, Canadá
Educación	Universidade Nacional Autónoma de México
Actividade
Ocupación	antropólogo, arqueólogo

Alberto Ruz Lhuillier, nado o 27 de xaneiro de 1906 en París, Francia  e finado o 25 de agosto de 1979,  en Montreal, Canadá, foi un arqueólogo francés nacionalizado mexicano. Salienta polas súas exploracións nas cidades maias de Mesoamérica, e especialmente por descubrir a tumba de Pakal o Grande no Templo das Inscricións en Palenque, México.

Traxectoria

Lápida de Pakal.

Ruz viviu en Francia e en Cuba antes de chegar a México, con trinta anos, estudando na Escola Comercial de París e na Universidade da Habana. En 1936, adoptou a cidadanía mexicana, e graduouse como arqueólogo en 1942, na Escola Nacional de Antropoloxía e Historia. Continuou estudando posgrao na UNAM, e recibiu os títulos de Mestre e Doutor en 1945 e 1965, respectivamente.

A partir de 1940, dedicouse á investigación arqueolóxica no Instituto Nacional de Antropoloxía e Historia (INAH), onde foi xefe da Zona Maia entre 1949 e 1958, e Director de exploracións arqueolóxicas en Campeche, Iucatán e Palenque. Na UNAM, foi profesor da Facultade de Filosofía e Letras, e Director do Centro de Estudos Maias. Foi membro de varias institucións académicas, entre outras da Sociedade Mexicana de Antropoloxía, da Société des Américanistes, da Société Suisse des Américanistes e da Society of American Archaeology.

Véxase tamén

Outros artigos

• Museo Alberto Ruz Lhuillier