Alicia Louzao

Alicia Louzao

Biografía
Nacemento	1987 (36/37 anos) Ferrol, España
Educación	Universidade da Coruña Universidade Complutense de Madrid Universidade de Salamanca
Actividade
Ocupación	escritora, filóloga, mestra
Pseudónimo literario	Alicia Louzao

Alicia Prisciliana Sánchez Iglesias, coñecida como Alicia Louzao, nada en Ferrol en 1987, é unha filóloga, profesora e escritora galega en lingua castelá.

Traxectoria

Perfil académico

Licenciouse en Filoloxía Hispánica pola Universidade da Coruña, fixo un mestrado en Formación literaria e licenciouse en Filoloxía Inglesa pola Universidade Complutense de Madrid, e en 2017 doutorouse en Filoloxía Hispánica pola Universidade de Salamanca, coa tese de doutoramento Las relaciones de sucesos en la colección de jesuitas de la biblioteca de la Real Academia de la Historia (1600-1650), dirixida por María Sánchez Pérez.

Obtivo unha bolsa de colaboración no departamento de Filoloxía na Facultade de Filoloxía da Universidade da Coruña, así coma unha bolsa de colaboración na biblioteca da mesma Universidade. En 2013 trasladouse ó Reino Unido e foi profesora no St Albans High School for Girls até o 2015. Durante ese tempo, compaxinou os estudos co traballo como profesora de lingua e literatura. Foi correctora editorial e profesora na Universidade Complutense de Madrid, no grao de Filoloxía, ademais de traballar como profesora na Universidade Internacional da Rioxa. Actualmente é profesora de lingua e literatura.

Creación

Escribe dende nova e gañou premios tamén en lingua galega, foi galardoada co primeiro Premio de Poesía de Cambre (2013) e foi finalista dos premios de poesía da revista Dictum Factum viguesa (2016 e 2017). Compaxina a poesía co relato. En prosa foi finalista e publicou o seu relato "Pausa para una tostada" na revista La Gran Belleza.

Colaborou nas revistas Ocultalit, Culturamas, revista Quimera e Aullido. Publicou poemas en Aullido, La Libélula Vaga, ou a revista El Coloquio de los perros. Diversos autores escribiron recensións da súa obra poética no periódico da UAM, revista Turia ou Zenda.

Participou en festivais de poesía como Expoesía de Soria (2021, 2024), o festival Voix Vives de Toledo (2022, 2023) ou o festival Kerouac en Vigo (2024).

Grazas a unha axuda do Ministerio de Cultura, foi seleccionada e participou no ciclo "Encuentros con autores" no 2023.

O seu poema "La tierra de los fracasados" obtivo o VIII Premio Internacional de Poesía Jovellanos.

Tamén foi finalista do XXXIII Certame de Narrativa Ana María Matute xestionado pola editorial Torremozas e finalista do I Premio Internacional de Poesía Asterión 2022.

En 2022, gañou o V Premio de Poesía Centrifugados/Pueblo de San Gil, sendo a primeira poeta española en obter este recoñecemento.

Foi finalista do premio Adonáis de Poesía (2022) e do I Premio de poesía Marpoética, optando a unha publicación na editorial Visor. En novembro de 2023 acadou o XVII Premio internacional de poesía Leonor de Córdoba co poemario Cabeza de familia, que conta coa publicación da obra premiada.

Obras

• Manual para la comprensión del insomnio, El Transbordador, 2019.
• El circo volador, Versátiles, 2020.
• Las niñas que no queríamos ir a la escuela, Liliputienses, 2021.

• La tierra de los fracasados, Nobel, 2021.
• Babilonia Dream, BajAmar, 2021.
• Diarios del año de las moscas, Lastura, 2022.
• Meigallo: tarot poético, La imprenta, 2023.
• Nadie dirá que estuvimos aquí, Liliputienses, 2023. V Premio Centrifugados/Pueblo de San Gil.
• Amor, juego, ira, muerte. Cuadernillo de poesía da Aula de poesía do proxecto do Concello de Cáceres, Liliputienses, 2023.
• Cabeza de familia, Andrómina, 2024. XVII Premio Leonor de Córdoba de poesía.
• Cabeza de familia, Lastura Ediciones, 2024 (2a edición). XVII Premio Leonor de Córdoba de poesía.

Antoloxías

• Naturaleza Poética, La Imprenta, 2022.
• Viento a favor II, BajAmar, 2022.

• El dolor de las abejas, Torremozas, 2021.
• Lo que debería haber dicho a mis ex (y nunca les dije). Ediciones Liliputienses, 2022.
• 266: homenaje a Bolaño, La Conjura ediciones, 2024.

Premios

• 1° Premio no XX Certame de poesía de Cambre, 2013.
• 4° Premio da V Edición do Concurso de relatos da UCM, 2013.
• III Premio universitario do Recital de poesía da Universidade de Salamanca, 2014.
• VIII Premio Internacional Jovellanos al Mejor poema del mundo, 2021.
• Finalista do Certame Ana María Matute de Narrativa, 2021.
• 2º Premio X Certame Nacional de Poesía ASEAPO, 2021.
• I Premio Internacional de Poesía Asterión, mención de honra, 2022.
• XI Premio Internacional de Poesía Yolanda Sáenz de Tejada, mención de honra, 2022.
• V Premio de Poesía Centrifugados/Pueblo de San Gil, 2022.
• Finalista do 76º Premio de Poesía Adonáis, 2022.
• Finalista do XII Premio Ricardo León de poesía, 2023.
• Finalista do I Premio Internacional de poesía Marpoética, 2023.
• XVII Premio internacional de poesía "Leonor de Córdoba", 2023.

Vida persoal

Nada en Ferrol, pero ten raíces en Vilatuxe e Lalín. Louzao é o apelido da súa familia. O pazo dos Louzao, co escudo familiar, atópase en Vilatuxe.

Véxase tamén

Ligazóns externas

• Ficha en escritores.org
• Recensión na revista Zenda do libro Nadie dirá que estuvimos aquí

• "La gente tiene mucho que decir y algunos abrazan la poesía", entrevista en El diario de Ferrol.
• "La poesía hipnótica de Alicia Louzao", Poemas del alma.
• Entrevista sobre Versos al Paso, en Madridlánea
• “Almuerzo real por el día del libro”, entrevista con Alicia en Faro de Vigo
• “Las pequeñas cosas hacen que uno no se desmorone”, entrevista en Bestia lectora
• “Reforestar el bosque con palabras nuevas” Arquivado 13 de agosto de 2022 en Wayback Machine., recensión en Periódico UNAM
• ""Ante el Meigallo de Alicia Louzao", crónica de elDiario.es

• "La poética para mí es imaginación", entrevista en Bestia lectora