Amador Lorenzo Blach
| Biografía | |
|---|---|
| Nacemento | 1976  (48/49 anos)Bueu, España |
| Educación | Escola de Imaxe e Son da Coruña |
| Actividade | |
| Ocupación | fotógrafo |
   | |
Amador Lorenzo Blach, nado en Bueu en 1976, é un fotógrafo galego.[1]
Traxectoria
[editar | editar a fonte]Comezou traballando na panadería familiar e despois estudou Técnico Superior en Imaxe na Escola de Imaxe e Son da Coruña. Traballou de cámara de televisión, ten publicado obra gráfica en El País (edición Galicia), Xornal de Galicia, Marca, Luzes e Los Angeles Times. Dende 2017 é codirector de FFoco, o Festival de Fotografía da Coruña,[2] onde tamén foi comisario de exposicións como O Piano pola xanela (Fundación Luis Seoane, 2020[3]) e Profundar (Lúa Ribeira)[4].[5] Traballou na fotografía de varias películas.
Nacenza e mais Curro da Mosenda é un proxecto documental iniciado por Amador Lorenzo no ano 2014 co obxectivo de retratar a vida e os habitantes do Macizo Central de Queixa-Manzaneda acompañando un veterinario rural no seu traballo diario.[5]
Vida persoal
[editar | editar a fonte]É sobriño do futbolista Amador Lorenzo.
Exposicións
[editar | editar a fonte]- Arquipélago interior (Galería Zlick, 2012).
- Un certo panorama (PHotoESPAÑA 2017)
- Dique de Abrigo (Fundación Luis Seoane, 2018)
- Un mundo que sofre baixo un manto de flores (Kiosco Alfonso, 2021).
Fotografía en cine
[editar | editar a fonte]- Matria, de Álvaro Gago
- O corno, de Jaione Camborda.
Obras
[editar | editar a fonte]- Bolhão (visións dunha realidade) (2016). Autoedición.
- Dique de Abrigo (2018). Autoedición. Sobre o Dique de Abrigo da Coruña.[6]
- Nacenza (2024). Fabulatorio. ISBN 978-84-124260-6-9.
- Curro da Mosenda (2024). Fabulatorio. ISBN 978-84-124260-7-6.
- OU24112 (2024). Alauda Negra. Plasma a súa particular «declaración de amor á cidade de Ourense». Os números do título reflicten a data en que coñeceu á súa parella e onde comezou a súa relación coas Burgas.[7] [8]
Premios
[editar | editar a fonte]- Premio de Creación Fotográfica Luís Ksado 2012 con unha serie sobre Portugal titulada "Tudo isto e fado".[9]
- Finalista en Descubrimientos PHotoESPAÑA 2014.
Notas
[editar | editar a fonte]- ↑ Laura Veiga (2025-01-20). "Amador Lorenzo: "Vou coa cámara recollendo instantes que logo monto como se fose un gran quebracabezas"". Nós Diario. Consultado o 2025-01-21.
- ↑ "FFoco – Festival de Fotografía da Coruña". Consultado o 2025-01-21.
- ↑ "O piano pola xanela – FFoco" (en castelán). Consultado o 2025-01-21.
- ↑ "'Profundar', a fotógrafa Lúa Ribeira busca as orixes". Diario Cultural. 2021-12-02. Consultado o 2025-01-21.
- ↑ 5,0 5,1 "Curro da Mosenda - Amador Lorenzo". Fabulatorio. Consultado o 2025-01-21.
- ↑ "Dique de Abrigo - Viento Sur" (en castelán). 2019-08-09. Consultado o 2025-01-21.
- ↑ "Alauda Negra regresa ás súas orixes". La Voz de Galicia (en castelán). 2025-01-12. Consultado o 2025-01-21.
- ↑ Ocampo, Elena (2024-11-24). "Capturar a «alma natural» das ribeiras do Miño". Faro de Vigo (en castelán). Consultado o 2025-01-21.
- ↑ David García (2012-10-03). "Amador Lorenzo gana el premio Luis Ksado de fotografía". Faro de Vigo (en castelán). Consultado o 2025-01-21.
