Amancio Landín Jaraiz

Amancio Landín Jaraiz

Biografía
Nacemento	27 de xaneiro de 1947 (77 anos) Pontevedra, España
Educación	Universidade Complutense de Madrid
Actividade
Ocupación	biólogo, político
Familia
Pai	Amancio Landín Carrasco

Para outras páxinas con títulos homónimos véxase: Amancio Landín.

Amancio Landín Jaraiz, nado en Pontevedra o 27 de xaneiro de 1947, é un biólogo e político galego.

Traxectoria

Fillo de Amancio Landín Carrasco. Licenciado en Ciencias pola Universidade Complutense de Madrid, en 1972 incorporouse ao Plan de Explotación Marisqueira de Galicia, onde foi asesor das confrarías de pescadores. En 1976 foi nomeado encargado da ría de Pontevedra. En 1980 foi nomeado director do Centro Experimental de Vilaxoán e en 1981 xefe do departamento de Crustáceos. En 1994 asumiu a delegación territorial en Pontevedra da Consellería de Pesca, Marisqueo e Acuicultura da Xunta de Galicia e en 1995 director xeral de Marisqueo e Acuicultura. En decembro de 1997 foi nomeado Conselleiro de Pesca, Marisqueo e Acuicultura, posto no que permaneceu ata 2001. Despois foi director do Centro Tecnolóxico do Mar de Vigo (CETMAR).

Véxase tamén

Ligazóns externas

• Xenealoxía dos Landín Arquivado 03 de xuño de 2012 en Wayback Machine.