American Dad!
(Redirección desde «American Dad»)
American Dad! é unha serie de animación estadounidense para adolescentes e adultos. Foi creada por Seth MacFarlane (tamén creador de Family Guy), Mike Barker e Matt Weitzman para a canle FOX. Nos Estados Unidos, estreouse o 6 de febreiro de 2005.
Argumento
[editar | editar a fonte]A historia céntrase na vida de Stan Smith, un axente da CIA que vive coa súa familia en Langley (Virxinia).
Personaxes
[editar | editar a fonte]- Staniel "Stan" Smith é o protagonista da serie. É un pai de familia republicano, conservador e altamente paranoico e patriótico que traballa na CIA.
- Francine Smith é a muller de Stan. Manifesta unha personalidade submisa cara ao seu marido, que ás veces rompe bruscamente.
- Hayley Dreamsmasher Smith é a filla máis vella, de 18 anos. Ten un pensamento moi liberal e pacifista, que contrasta radicalmente coas ideas de seu pai.
- Steven Anita "Steve" Smith é o fillo máis novo, de 14 anos. No instituto relaciónase principalmente con Snot (o seu mellor amigo), Barry (un compañeiro obeso) e Toshi (un estudante xaponés). Representa o estereotipo de "nerd".
- Roger Smith é un alieníxena que lle salvou a vida a Stan na Área 51. En agradecemento, Stan permite que se esconda do goberno na súa casa. Ten un carácter violento e impulsivo, que reflicte disfrazándose de numerosos personaxes e creando mundos propios para cada un.
- Klaus Heißler é un peixe co cerebro dun esquiador olímpico da Alemaña Oriental.
Elenco
[editar | editar a fonte]| Personaxe | Actor de dobraxe |
|---|---|
| Stan Smith | Seth MacFarlane |
| Francine Smith | Wendy Schaal |
| Hayley Smith | Rachael MacFarlane |
| Steve Smith | Scott Grimes |
| Roger Smith | Seth MacFarlane |
| Klaus Heißler | Dee Bradley Baker |
|
Este artigo sobre televisión é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |
| Control de autoridades |
|
|---|
