Andreas Gottlob Rudelbach
  | |
| Biografía | |
|---|---|
| Nacemento | 29 de setembro de 1792 Copenhague, Dinamarca |
| Morte | 3 de marzo de 1862 (69 anos) Slagelse, Dinamarca (en)  |
| Relixión | Luteranismo |
| Actividade | |
| Lugar de traballo | Glauchau |
| Ocupación | teólogo, sacerdote |
| Descrito pola fonte | Dicionario Enciclopédico Brockhaus e Efron |
Andreas Gottlob Rudelbach, nado en Copenhague o 29 de setembro de 1792 e finado en Slagelse, illa de Selandia (Dinamarca) o 3 de marzo de 1862, foi un teólogo luterano dano-alemán adscrito á corrente neoluterana.
Traxectoria
[editar | editar a fonte]Estudou na universidade da súa cidade natal, onde foi Privatdozent. Adscribiuse á corrente ortodoxa do luteranismo e publicou en colaboración con Nikolaj Frederik Severin Grundtvig, a Theologisk Maanedskrift (1825-1828), onde atacou o racionalismo de K. F. Hornemann e traduciu a Confesión de Ausburgo e a Apologia Confessionis Augustanae ó dinamarqués (1825).
Desde 1827 traballou no xornal Evangelischen Kirchenzeitun. En 1829 foi nomeado pastor de Glauchau, en Saxonia.
En 1830 axudou a establecer a conferencia pastoral de Muldentalkreis e, aínda que oposto a calquera separación da Igrexa Luterana oficial, contou cunha forte oposición dentro da xerarquía eclesiástica. Finalmente volveu a Dinamarca en 1845.
Entre 1846 e 1848 foi lector de dogmática na Universidade de Copenhague. Despois marchou a Slagelse como pastor e alí viviu o resto da súa vida.
Principais publicacións
[editar | editar a fonte]Publicou a Zeitschrift für die gesammte lutherische Theologie und Kirche (en colaboración con H. E. F. Guericke, Leipzig, 1839), que representa unha posición estritamente luterana, antiunionista. a Christliche Biographie (1849), publicou varios volumes de sermóns e Hieronymus Savonarola und seine Zeit (Hamburgo, 1835); Reformation, Luthertum und Union (Leipzig, 1839); Historische-kritische Einleitung in die Augsburgische Konfession (Dresden, 1841); Amtliches Gutachten über die Wiedereinführung der Katechismus-Examina im Königreich Sachsen, nebst historischer Erörterung der Kathechismus-Anstalten in der evangelisch-lutherischen Kirche Deutschlands (1841) e Om Psalme-Literaturen og Psalmebogs-Sagen, historisk-kritiske Undersögelser (Copenhaguen, 1856).
