Anel esclerótico

O anel esclerótico é o anel de óso que se encontra nos ollos de varios grupos de animais vertebrados, agás en mamíferos e crocodilianos. Estes aneis poden estar compostos dun único óso ou de varios óso pequenos xuntos. Crese que os aneis escleróticos cumpren un papel de soporte do ollo, especialmente en animais cuxos ollos non son esféricos, ou que viven debaixo da auga. O anel esclerótico é resultado da osificación da parte anterior da cartilaxe esclerótica formada a partir das cápsulas ópticas embrionarias.

Coñécense aneis escleróticos fósiles de gran variedade de animais extintos, como os ictiosauros, pterosauros e dinosauros, aínda que frecuentemente non quedan preservados.

Galería de imaxes

• 
  Anel esclerótico do ictiosauro Ophthalmosaurus icenicus.
• 
  Cranio de Podargus strigoides co seu anel esclerótico na órbita.
• 
  Cranio do xecónido Uroplatus, mostrando os seus grandes aneis escleróticos.
• 
  Cranio do dinosauro Velociraptor co seu anel esclerótico na órbita.
• 
  O anel esclerótico de Ophthalmosaurus ("lagarto de ollo") é un dos maiores que existiron no reino animal.
• 
  Diagrama dun ollo de ave que mostra a posición do anel esclerótico.