Antón Luaces
| Biografía | |
|---|---|
| Nacemento | 25 de maio de 1943  (81 anos)Cariño, España |
| Actividade | |
| Ocupación | xornalista |
Ángel Antonio Luaces Teijido, coñecido como Antón Luaces, nado en Cariño o 25 de maio de 1943, é un xornalista galego.
Traxectoria
[editar | editar a fonte]Estudou Maxisterio, Filosofía e Letras e Belas Artes. Comezou a traballar como xornalista en Radio Riveira, e despois pasou a Radio Xuventude de Galicia. Colaborou en El Correo Gallego, La Voz de Galicia, El Ideal Gallego e Atlántico Diario. Foi xefe de informativos e despois director de Radiocadena Española en Galicia. Relator e presentador de diversos espazos radiofónicos dedicados á emigración galega, dirixiu o programa radiofónico Españoles en la Mar, de Radio Exterior de España. Membro da xunta directiva do Colexio de Xornalistas de Galicia, foi director de RNE en Galicia. Recibiu a Vieira de Prata ao programa de maior audiencia en España e o Premio Galicia de Comunicación (1995).