Antal Nagy

Antal Nagy

Biografía
Nacemento	16 de maio de 1944 (80 anos) Budapest, Hungría
Actividade
Ocupación	futbolista
Período de actividade	1963 - 1978
Nacionalidade deportiva	Hungría
Deporte	fútbol
Liga	Fußball-Bundesliga
Posición de xogo	Dianteiro
Traxectoria   Equipo 1963–1968 Budapest Honvéd FC 70 (25) 1966–1967 Csepel SC 1968–1969 Standard de Liège 31 (21) 1969–1972 FC Twente 39 (19) 1972–1973 Olympique de Marsella 3 (0) 1973–1974   Hércules CF 36 (10) 1974–1975 Wuppertaler SV Borussia 10 (2) 1975–1976 Unió Esportiva Sant Andreu 5 (1) 1976–1976 SM Caen 12 (2) 1977–1977 Leixões Sport Club 1977–1977 Royal Antwerp Football Club 2 (0) 1977–1978 Leixões Sport Club 21 (2)   Selección nacional 1964–1965   Hungría 1966–1967   Hungría 3 (0)
Participou en
xullo de 1966	Mundial de Fútbol Inglaterra 1966

Antal Nagy, nado en Budapest o 16 de maio de 1944, é un exfutbolista húngaro. Xogaba como dianteiro e militou en clubs das principais ligas de Hungría, Bélxica, Países Baixos, Francia, España, Alemaña e Portugal. Foi internacional coa selección húngara, coa que participou no Mundial de Inglaterra de 1966.

Traxectoria

Comezou a súa carreira como futbolista no Hónved da súa cidade natal, co que foi campión da Copa de Hungría e dúas veces subcampión da liga húngara, e co que debutou na Recopa de Europa.

En 1968 trasladouse a Liexa, onde fichou polo Standard de Liège. A súa marcha de Hungría provocou a perda da súa nacionalidade, sendo considerado dende entón un apátrida. Na tempada 1968/69 foi o máximo goleador da Primeira división belga, da que se proclamou campión esa mesma campaña. A continuación pasou polos Países Baixos, onde xogou tres anos no Twente, antes de recalar no Olympique de Marseille, co que gañou a Copa de Francia de 1972.

En 1973 chegou a España, fichando polo Hércules de Arsenio Iglesias, co que xogou na Segunda división, logrando o ascenso a Primeira. Contribuíu con 10 goles, un deles anotado cun pé descalzo, despois de ter perdido unha bota. Pasou logo polas filas do Wuppertaler SV, da Bundesliga alemá, antes de regresar ao fútbol español para xogar en Segunda coa Unió Esportiva Sant Andreu. Nos seus últimos anos como futbolista xogou no Caen francés, no Royal Antwerp belga e no Leixões portugués, antes de pechar a súa carreira no mesmo equipo no que a comezara, o Budapest Honvéd.

Selección húngara

Foi tres veces internacional coa selección húngara, coa que debutou en 1964, nun encontro amigable ante Iugoslavia. Formou parte do equipo húngaro no Mundial de 1966 en Inglaterra, aínda que non chegou a xogar ningún minuto na competición.

Palmarés

Budapest Honvéd

• Copa de Hungría (1): 1964.

Standard de Liège

• Liga belga (1): 1968/69.

Olympique de Marsella

• Copa de Francia (1): 1972.

Individual

• Máximo goleador da liga belga (1): 1968/69.

Véxase tamén

Ligazóns externas

• Datos do xogador en BDFutbol (en castelán).
• Datos do xogador en footballdatabase.eu (en castelán).